• February 27, 2024
  • Ang Diyaryong Pinagkakatiwalaan

8 sa 15 preso pumuga sa Caloocan detention facility, nahuli na

NASAKOTE na sa manhunt operation ng pulisya ang anim sa 15 persons Under police custody (PUPC) na pumuga sa kanilang temporary detention facility sa Caloocan City, Huwebes ng madaling araw.

 

Ayon kay Caloocan police chief P/Col. Dario Menor, 15 PUPCs ang tumakas bandang ala-1:50 ng madaling araw sa pamamagitan ng maliit na butas na kanilang binutas simula pa nung Lunes gamit ang pako at bato subalit, agad namang naaresto ang dalawa sa kanila habang magkakasunod naman nadakip ng Trackers Team ang anim pa na sina Arnel Buccat, 19, (leader), Reymark Delos Reyes, 27, Harris Danacao, 23, Mark Oliver Gamutia, 21, Aldwin Jhoe Espila, 25, at Reynaldo Bantiling, 35.

 

Sa kanyang report kay Northern Police District (NPD) Director P/Brig. Gen. Ronaldo Ylagan, kinilala ni Col. Menor ang iba pang PUPC na pinaghahanap ng kanyang mga tauhan na pumuga sa custodial extension facility na matatagpuan malapit sa bagong Caloocan City Hall bilang sina Martin Mama, 46, Gerrymar Petilla, 21, Hudson Jeng, 42, Norbert Alvarez, 35, Jovel Toledo, Jr. 27, Raymond Balasa, 35 at Justine Tejeros, 22 na nahaharap sa iba’t ibang mga kaso.

 

Ani Col. Menor, ang kanilang custodial extension facility ay inilaan pa sa PUPC na naibigay na ang commitment order ng korte para sa kanilang paglipat sa Caloocan City Jail (CCJ) subalit dahil may banayad silang sintomas ng coronavirus disease (COVID) 19, habang ang iba ay nagpositibo sa isinagawang rapid test ay kinailangan silang i-quarantined ng 21-days sa kanilang extension facility.

 

Kinumpirma din ng city police chief na dalawa sa mga nakatakas ay nagpositibo sa isinagawang rapid test noong October 2 subalit, nagnegatibo naman aniya sa swab test habang ang 10 iba pa ay hindi pinayagan ng mga health officers ng CCJ na ilipat sa kanilang facility dahil sa kanilang health reason.

 

Napagalaman sa imbestigasyon na sinimulan butasin ng mga detainess ang pader ng facility noong Lunes sa kasagsagan ng malakas na buhos ng ulan habang ang iba pang PUPCs ay nagsimulang gumawa ng ingay.

 

Ipinag-utos na ni Col. Menor ang pagsibak sa dalawang naka- duty na pulis nang maganap ang insidente. (Richard Mesa)

Other News
  • Kung noon ay sweet at parang may something sa kanila: SHERYL, nag-iba ang statement at happy sa relasyon nina JERIC at RABIYA

    NAGLABAS na ng official statement ang Aguila Artist Management ni Becky Aguila tungkol sa mga pamba-bash at isyu na ibinabato sa kanilang artist, ang Kapamilya star na si Andrea Brillantes.   Dahil sa pagiging all-out supporter ni Andrea sa kandidatura ni VP Leni Robredo, isa siya sa mga artista na talagang binabato ng mga grabeng […]

  • PNP handa sa posibilidad na extension ng ECQ

    Tiniyak ng Philippine National Police (PNP) na  nakahanda sila sakaling palawigin pa ang  implementasyon ng  enhanced community quarantine sa Metro Manila.     Ayon kay PNP chief Gen. Guillermo ­Eleazar,  ipinatutupad lamang nila ang  mga rekomendasyon kung ano ang iutos ng national government at health experts.     Aniya, ang  mga Metro Manila mayors  at […]

  • WHO, Qatar at FIFA leaders, nagkasundo sa pagsulong sa kalusugan sa World Cup 2022

    NAGKASUNDO ang World Health Organization, Qatar at FIFA sa pagsulong sa kalusugan sa World Cup Qatar 2022.     Ayon kay Kathleen Bico Comia, nakipagpulong si WHO Director General Dr Tedros Ghebreyesus, Qatar Ministry of Public Health, FIFA at Supreme Committee for Delivery & Legacy para sa pinakaunang Steering Committee meeting kung saan tema ang […]