80 TO 90 PORSYENTO NANG TAPOS ANG MEDICAL CANNABIS ADVOCATES

NAGAWA na ng mga scientist, doktor, imbentor at celebrity ang 80 hanggang 90 porsyento ng kanilang adbokasiya para sa medikal na cannabis. Sa isang Media Health Forum sinabi ni Dr. Donnabelle Cunanan na “80 to 90 percent na po ang achievement ng medical cannabis advocacy at hindi na po pinag-uusapan kung gamot ang cannabis, marami pong mga doktor, inhinyero at abogado na talagang pabor sa medikal na cannabis,” dagdag ni Cunanan.

“We are also thankful to our international cannabis supporters kasi nabigyan ako ng pagkakataon na umattend ng international forum on medical cannabis,” she added.

Sa kanyang bahagi, sinabi naman ni Dr. Richard Nixon Gomez, scientist/inventor at general manager ng Bauertek Corporation, na “maraming maaaring matulungan ang cannabis.

Sa Pilipinas, maraming atleta ang gumagamit ng cannabis dahil sa kanilang kondisyon. Hindi lang daw nila pwedeng ipost ang mga share natin.” Dr. Gomez noted that “Kapag may medical cannabis, mas kalmado, mas relax at mas nakakagalaw ang mga atleta”

“Never na lumabas sa usapan namin ang salitang adik. Magkaiba yung for cancer treatment at for pain treatment,” Dr. Gomez added. Ang tinutukoy ni Dr. Gomez ay ang mga gumagamit ng medikal na cannabis.

“Ang cannabis ay pwede sa pedia, sa mga sanggol. Yung dosage lang ang pagkakaiba at ang form,” he said. “Ang bulaklak ng Marijuana ay iniroroll, patutuyuin at hihithitin iyon ang raw form. Sa Bauertek, ini-extract natin ang oil ng cannabis. Pwedeng i-extract ang serphine para walang amoy at pwede ring ibalik,” Dr. Gomez said.

Dr. Gomez also cited that “ang imbensyong Pinoy, ang gawang Pinoy ay 90 percent approximately na cheaper kumpara sa sourced from abroad,” Binigyang-diin ni Dr. Gomez na magkakaroon ng P40 bilyong buwis mula sa pag-export ng cannabis sa 2030. Ang Bauertek ay may mga pasilidad sa Rehiyon 1, Rehiyon 2 at Rehiyon 3 para sa medikal na cannabis. (PAUL JOHN REYES)