• July 18, 2024
  • Search in People's Balita

  • Ang Diyaryong Pinagkakatiwalaan

 

98K benepisaryo, nakakuha ng P221-M AICS sa ‘Bagong Pilipinas’ caravan

INIULAT ng  Department of Social Welfare and Development (DSWD) na namahagi ito ng P221.06 milyong piso sa 98,092 benepisaryo sa ilalim ng Assistance to Individuals in Crisis Situation (AICS) program nito sa idsinagawang pag-arangkada  ng Bagong Pilipinas service caravan sa apat na lalawigan nito lamang  weekend. 
Ang  98,092  benepisaryo ng AICS  ay bahagi ng  322,689 benepisaryong nakarehistro sa portal  ng “Bagong Pilipinas Serbisyo Fair” (BPSF) sa isinagawang sabay-sabay na pag-arangkada sa  Ilocos Norte, Camarines Sur, Leyte at Davao de Oro nito lamang Setyembre 23 hanggang 24, 2023.
Sa naging pag-uulat ni Assistant Secretary Ada Colico ng Statutory Programs sa ilalim ng  Operations Group kay DSWD Secretary Rex Gatchalian, sinabi nito na nakapagtala ang Leyte ng pinakamataas na bilang ng AICS clients  na may 48,018, sinundan ng Ilocos Norte na may 26,353; Camarines Sur na may 12,264; at Davao de Oro na may 11,457.
Sa kabuuang halaga na naipamahagi,  ang mga benepisaryo mula sa Leyte  ay nakakuha ng P97.91 million; Ilocos Norte, P77.84 million; Camarines Sur, P24.53 million; at Davao de Oro, P20.78 million.
“The Bagong Pilipinas caravan is the country’s biggest service caravan aimed at providing major government services to less fortunate Filipinos in various communities across the country,” ang sinabi ni Gatchalian sa isang kalatas.
Tinuran nito na ang tagumpay ng paglulunsad ng  BPSF noong nakaraang Sabado ang nag-udyok sa mga nag-organisa na palawigin ang ilang programa mula sa orihinal na  two-day event, nakapanghikayat ng mas higit pa sa 300,000 benepisaryo sa buong bansa.
Inilunsad ang caravan kung saan itinampok ang  “Kadiwa ng Pangulo,” naglalayong paghusayin ang  access sa abot-kayang halaga ng pagkain at iba pang bilihin, “Passport on Wheels,” driver’s license registration at assistance, national identification, Pag-IBIG Fund, at National Bureau of Investigation at police clearance applications.
Tiniyak naman ni Gatchalian  na dadalhin ng administrasyong Marcos ang Bagong Pilipinas service caravan sa lahat ng 82 lalawigan sa bansa matapos ang matagumpay na paglulunsad nito. (Daris Jose)
Other News

  • Pangako ni PBBM, susuportahan ang PCG modernization

    SUSUPORTAHAN ni Pangulong Ferdinand Marcos Jr. ang pagpapalawak at modernisasyon ng  Philippine Coast Guard’s (PCG).     Ito ang inihayag ni Pangulong Marcos sa pagdiriwang ng  ika- 121  founding anniversary ng PCG sa  Port Area, Manila.     Hindi naman lingid sa kaalaman ng Pangulo na maraming mga bagong gampanin ang mga miyembro ng coast […]

    read more

  • Top 6 most wanted person ng NPD, nasakote

    MATAPOS ang 10-buwan pagtatago, naaresto na ng pulisya ang isang umano’y rapist na tinagurian bilang Top 6 Most Wanted Person sa Northern Police District (NPD) makaraang bumalik sa kanyang bahay sa Quezon City.   Pinuri ni National Capital Region Police Office (NCRPO) Regional Director P/MGen. Debold Sinas ang mga operatiba ng Intelligence Operation Section (IOS) […]

    read more

  • New Thriller ‘The Menu’ Will Take You To A Shocking Culinary Experience

    ENYER a shocking and grisly culinary experience like no other with Searchlight Pictures’ “The Menu” starring Anya Taylor-Joy, Nicholas Hoult, and Ralph Fiennes now showing in Philippine cinemas.     In “The Menu,” Margot (Anya Taylor-Joy) and Tyler (Nicholas Hoult) travel to a coastal island to eat at an exclusive restaurant where the chef (Ralph […]

    read more
People's Balita.
All rights reserved. © Copyright 2024.