Diaz alerto habang palapit Summer Olympics Games
- Published on March 4, 2021
- by @peoplesbalita
HINDI maiwasan ni 31st Summer Olympic Games 2016 Rio de Janeiro women’s weightlifting silver medalist Hidilyn Diaz ang tumingin lagi sa countdown ng 32nd Summer Olympic Games 2020 na iniurong lang sa darating na Hulyo 23-Agosto 8 sa Tokyo, Japan sanhi ng pandemya.
“Closer and closer! Just 150 days to go to @Tokyo2020,” post Huwebes sa social media ng 29 na taong-gulang, 4-11 ang taas at isinilang sa Zamboanga City na barbelista na nasilip nitong Miyerkoles ng People’s BALITA.
Kailangan na lang sumali sa 49th Asian Men’s and 30th Women’s Weightlifting Championships 2021 sa Abril 16-25 sa Tashkent, Uzbekistan ng national lifter upang pumalaot ikaapat niyang sunod na quadrennial sportsfest.
Nakahanda ang sundalong dalaga para sa ikaanim at huli niyang event para mag-qualify sa Tokyo Olympics, pero dahil sa pandemya na nagpaatrasado sa Olympics, inamin niyang nangangamba pa rin siyang maaring tuluyang makansela ang paligsahan para sa kaligtasan ng sangkatauhan sa pangkalahatan, at mga manlalarong gaya niya partikular.
Una nang nakalahok si Diaz sa limang event ng International Weightlifting Federation (IWF) at kasalukuyang world No. 5 sa ranking ng women’s 55-kilogram ang Pinay lifter na isang taon nang stranded sa Malaysia.
Kasama niya sa maunlad na Muslim country sina Chinese mentor Kaiwen Gao, at strength/conditioning coach Julius Naranjo.
Nanalo ng silver medal si Diaz sa 2019 Asian liftfest sa Ningbo, China. (REC)
-
BEAUTY, pinatunayan na tama ang pagtanggap ng GMA-7 sa kanyang paglipat; bumagay rin kay KELVIN
DALAWANG teleserye na ng GMA Network ang nalalapit nang magtapos. Ang GMA Afternoon Prime drama na Nagbabagang Luha na nasa last three weeks na lamang, pero ang mga netizens, gustung-gusto nang malaman kung paano mapapatunayan ni Alex (Rayver Cruz) ang mga kasalanang ginawa sa kanya ng obsessed sister-in-law niyang si Cielo (Claire Castro) […]
-
Takot sa COVID-19, nabawasan
KAPANSIN-PANSIN na nabawasan na ang takot at pag-aalala sa bantang pagkalat ng 2019 Coronavirus Disease (COVID-19). Iilan na lang ang nakasuot ng face mask at nabawasan na rin ang mga post sa social media na may kaugnayan sa nasabing sakit saan mang kalsada. Sinundan ito ng paglilinaw ng mga ahensiya ng gobyerno na […]
-
Bakuna sa 12-anyos pababa isusunod na ng DOH
Pinag-aaralan na rin umano ng Department of Health (DOH) ang posibleng vaccination kontra COVID-19 sa mga bata na mas bata pa sa 12-taong gulang makaraang mag-umpisa na ito sa mga adolescents. “Yes, considering nasa ibang bansa na below 12 [years old]. Hihintayin natin ang resulta ng pag-aaral,” ayon kay Health Undersecretary Myrna Cabotaje. […]