Ramirez humihirit pa ng P1B badyet para sa PSC
- Published on October 22, 2020
- by @peoplesbalita
NANANAWAGAN ang Philippine Sports Commission (PSC) sa Kongreso na madagdagan pa ng pondong P1.1B para sa 2021 badyet sa ilalim ng General Appropriations Act (GAA).
Ipinaliwanag ni nitong Biyernes, na ang P207M 2021 PSC budget na itinakda ng Department of Budget and Management (DBM), ay nakalaan lang para sa management at operational expenses ng ahensiya.
Kabilang doon ang pasuweldo at bayarin sa regular employees at maintenance sa sports facilities na gaya ng Rizal Memorial Sports Complex (RMSC) sa Malate, Maynila, PhilSports Complex (PSC) sa Pasig at Teachers’ Camp sa Baguio.
Mahigit kalahati ng P1B additional funds na nais ng PSC ang mapupunta naman para sa paghahanda at aktuwal na partisipayon ng bansa sa 32nd Summer Olympic Games 2021, 16th Paralympic Games 2021 na parehong parehong nakatakda sa Tokyo, Japan;
Gayundin para sa 31st Southeast Asian Games 2021 sa Vietnam, ASEAN Para Games, 6 th Asian Beach Games 2021 sa Sanya, China at 6 th Asian Indoor and Martial Arts Games 2021 sa Bangkok- Chonburi, Thailand.
Hinirit ng opisyal na kailangan ng PSC ng P150M para sa Tokyo Olympic Games at P100M para sa sa pagtatanggol ng ‘Pinas sa titulo ng SEA Games.
Ang natitirang kalahati ay para naman sa PSC projects pati na rin sa naudlot na renobasyon o kumpuni ng RMSC at PSC.
Dalangin kong pakinggan ng mga pulitiko natin ang pakiusap ng PSC para sa kabutihan ng ating mga atleta at patuloy napagangat ng PH sports. (REC)
-
NAITALANG KASO NG COVID SA EVACUATION CENTER, INAGAPAN
NAKIKIPAG-UGNAYAN ang Department of Health o DOH sa lokal na pamahalaan ng Marikina kaugnay sa naitalang kaso ng COVID-19 sa isang evacuation center doon. Ayon kay Health Usec Maria Rosario Vergeire sa kanyang virtual media forum, agad namang kumilos ang local health safety officer at dinala sa ospital ang evacuee kung saan siya nasuri matapos siyang […]
-
Libreng Sakay 24/7 operations sa EDSA Busway magsimula sa Dec. 1
INANUNSYO ng Department of Transportation (DOTr) na ang 24/7 na operasyon para sa libreng sakay sa EDSA Busway ay magsisimula sa Disyembre 1, 2022. Sa una, ang 24/7 na operasyon ng Libreng Sakay ay naka-iskedyul noong Disyembre 15. Sa isang pahayag, sinabi ng DOTr na inatasan ni Sec Jaime Bautista ang […]
-
Velasco kay Cayetano: ‘Railroading’ at ‘flawed procedure’ ang ginawa nyo sa 2021 national budget’
MARIING kinondena ni Marinduque Rep. Lord Allan Velasco si Speaker Alan Peter Cayetano at mga kaalyado nito dahil sa “pag-railroad” sa 2021 pro- posed P4.5-trillion national budget na nagresulta sa suspensyon ng plenary sessions hanggang Nobyembre 16. Sinabi ni Velasco, ang ginawa ng kampo ni Cayetano ay salungat sa commitment nito na gawing bukas, […]