Catantan dinale bronze, All-America awardee pa
- Published on April 7, 2021
- by @peoplesbalita
NAGTULOS ng 20-1 win-loss record si Samantha Kyle Catantan ng Pilipinas para makopo ang women’s foil bronze medal at maging isa sa siyam na ginawaran All-American selection sa wakas nitong Lunes ng 2021 United States National Collegiate Athletic Association (NCAA) sa Bryce Jordan Center sa University Park, Pennsylvania.
Pinagtatagpas ng 19 na taong-gulang, tubong Quezon City at Pennsylvania State University athletic scholar freshman ang 20 kaeskrimahan sa pool rounds bago naungusan sa Final Four ng senior niyang si Lodovica Bicego ng Italy 14-15 para tumabla sa 3rd-4th na may trophy rin.
Naghabol ang Pinay na nagtapos sa University of the East-Manila ng secondary, kay Bicego at lumamang pa sa 14-13. Pero nakapuntos pa ng dalawa ang huli at isa na lang si Catantan para sa final scores.
Isa sa biktima ng Pinay fencer ang Nittany Lions teammate sa pool na sinilat niya via 5-3 victory. Bigo rin si Bicego sa national finals laban kay Notre Dame University bet Italian Stefani Deschner, 15-9.
Iniuwi rin ng PSU ang second-place trophy sa 182 points sa likod ng NDU Fighting Irish na may 201.
Isa pang bet ng ‘Pinas na lumalaro sa Sacred Heart University men’s foil na si Lawrence ‘Lance’ Tan ang tumapos sa ika-18 lang mula sa 24 na kasali rin sa kanyang event. (REC)
-
STEVE HARVEY, pinalitan nina MARIO LOPEZ at OLIVIA CULPO para mag-host ng ‘69th Miss Universe’
HINDI si Steve Harvey ang maghu-host ng 69th Miss Universe pageant sa Miami, Florida. Ito ang unang pagkakataon na nagpahinga sa kanyang pag-host ng Miss Universe si Harvey. Nakatatak na sa utak ng maraming pageant fans ang pangalang Steve Harvey dahil sa pag-announce nito ng maling Miss Universe winner noong 2015. […]
-
LeBron James wala pang katiyakan kung kelan makakapaglaro dahil sa injury sa tuhod
POSIBLENG matagalan pa bago tuluyang makapaglaro si Los Angeles Lakers star LeBron James. Sinabi ng Lakers coach Frank Vogel na nagkaroon ng pamamaga sa kaliwang tuhod ni James. Dagdag pa nito na hanggang nandoon ang pamamaga ay patuloy pa rin itong hindi makakapaglaro. Ang 37-anyos na si James ay […]
-
Mga nasawing bata sa Ukraine simula nang salakayin ito ng Russia, umabot na sa 71; mahigit 100 indibidwal, sugatan
UMABOT SA 71 ang bilang ng mga batang nasawi habang nasa mahigit 100 naman ang nasugatan sa Ukraine simula nang salakayin ito ng Russia noong Pebrero 24. Inihayag ito ng isang Ukrainian parliament official na si Lyudmyla Denisova kasunod ng ginawang pambobomba umano ng Russia sa isang children’s hospital sa Mariopol City sa […]