Ban ng Pinas kontra covid, matagal pa- PDu30
- Published on April 20, 2021
- by @peoplesbalita
MATAGAL pa ang laban ng Pilipinas kontra coronavirus (COVID-19) pandemic dahil sa patuloy na pagsirit ng bilang ng COVID-19 cases sa bansa.
Sa kanyang Talk To The People, Huwebes ng gabi ay pinaalalahanan nito ang publiko na ang buong mundo ay nahaharap sa hindi nakikitang kalaban kaya’t ang laban sa virus ay hindi pa magtatapos “anytime soon.”
“You know we are facing an enemy that cannot be seen. We are facing an opponent where there is no sight at end,” ayon sa Pangulo.
“We are facing a turmoil not only in the Philippines but in the entire world. Kagaya ng mga (like) Brazil, thickly populated areas, they are scared of the third wave,” dagdag na pahayag nito.
Sa kabilang dako, binigyang din naman ng Pangulo na hindi nagkulang ang pamahalaan na tugunan ang pandemiya.
“I’d like to just disabuse the mind of na nagkulang tayo… Hindi tayo nagkulang,” anito.
Aniya, matapos na magpalabas ng advisory ang World Health Organization (WHO) ukol sa virus ay kaagad niyang binuo ang Inter-Agency Task Force (IATF) for the Management of Emerging Infectious Diseases sa loob ng 48 oras.
Aniya pa, ang desisyon niyang magpatupad ng lockdowns ay kaagad na ginawa bunsod na rin ng rekumendasyon ng mga medical experts kabilang na si Health Secretary Francisco Duque III.
“Kung ano’ng sabihin ni Secretary Duque, eh ‘yon ang susundin ko. Siya ‘yong Secretary of Health, eh,” ayon sa Punong Ehekutibo.
Samantala, muli namang inulit ng Pangulo ang kanyang “melodramatic warning” ukol sa pandemiya at maaari lamang maresolba sa pamamagitan ng bakuna na mayroon namang “worldwide shortage,”
Dahil dito, hindi niya tiyak kung kailan magtatapos ang ang laban kontra COVID-19.
“Now, when will we have that stocks sufficient to vaccinate the people? I really do not know. Nobody knows,” anito.
-
Opisyal nang residente ng Spain ang family niya: BEA, three weeks na magbabakasyon kasama si DOMINIC sa iba’t ibang lugar
SA Instagram ipinaabot ni Direk Mark Reyes ang ‘Congratulations!’ kay Kapuso Primetime Action Hero Ruru Madrid pagkatapos ng pilot telecast ng “Black Rider”. “Nice to see you and Kylie Padilla together on screen again, See you both sa Lireo very soon for “Encantadia Chronicles: Sang-gre.” Hasne Evo Live Rama Ybrahim” Sinagot […]
-
Steph Curry inangkin ang ika-2 NBA scoring title
Napasakamay ni Stephen Curry ang kanyang ikalawang NBA scoring crown habang inangkin ng Portland Trail Blazers ang No. 6 berth sa Western Conference playoffs sa pagtatapos ng regular season games. Sa San Francisco, nagpasabog si Curry ng 46 points sa 113-101 pagbugbog ng Golden State Warriors (39-33) sa Memphis Grizzlies (38-34) para kunin […]
-
Pagpapatuloy ng visa-on-arrival scheme, hinirit para sa mga Chinese nationals
SUPORTADO ng Anti-Red Tape Authority (ARTA) ang pagpapatuloy ng visa-on-arrival scheme para sa mga Chinese nationals. Tinukoy ang potensiyal na paghikayat para mamuhunan sa bansa, ayon kay ARTA Director General Ernesto V. Perez sa sidelines ng isang forum na inorganisa ng German-Philippine Chamber of Commerce and Industry sa Makati City. Sa […]