BARBIE, inaming budget na lang at right timing ang kailangan para magpakasal kay JAK

SIMULA noong Lunes ay muling napapanood ang Kapuso Princess na si Barbie Forteza sa GMA Telebabad, gayundin sa GTV at Heart of Asia Channel hanggang sa Biyernes. 

Pinagbibidahan ni Barbie ang I Can See You: The Lookout kunsaan, ibang-iba ang role niya rito sa karaniwang napapanood sa kanya sa mga teleserye. Bukod sa after Kambal Karibal, magkasama at magkatambal silang muli ni Paul Salas at kasama rin niya ang dalawang nagbabalik Kapuso na sina Christopher de Leon at Adrian Allandy.

     Kay Barbie na rin mismo nanggaling na gusto na rin niyang grumadweyt sa mga pa-tweetums na role dahil sabi nga niya, hindi naman na siya bumabata.

    “Well, para sa akin, it would be very challenging kung ang ganitong klaseng material ay magiging pang-full-length, pang-mahabaang teleserye. Siyempre, kailangan naka-kondisyon ako, ganyan… pero, I would always love a challenge.

     “Pero when I say that I am willing to accept more mature roles, I’m not saying na sexy. Kasi, kapag sinabing mature, yun agad ang iniisip nila. It’s more on how I play the character. Enough of the teeny-bopper, siguro naman, kumontra na ko ro’n,” sey nga niya.

Pero, ayaw naman daw niyang pangunahan ang network. Kung ano raw ang ibibigay sa kanya, palagi pa rin naman daw niyang ibibigay ang 100% niya.

Sa isang banda, kahit sa personal na aspeto ng buhay ni Barbie, obvious na rin na iba na ang mindset niya. Maging sa relasyon na meron siya sa boyfriend na si Jak Roberto.

In fact, hindi ito ikinaila na may mga time na napag-uusapan din nila ang kasal, pero, dahil pandemic at marami pa rin silang kailangan gawin at pag-ipunan, darating din daw sa tamang panahon para ro’n.

At para kay Barbie, si Jak na ang nakikita niyang husband material talaga.

     “Wala na po kasi akong nakikitang parang rason kung bakit hindi siya. Siguro pinansiyal na lang po ang problema at saka, right timing.”

Natatawang sabi pa niya, “Budget na lang at right timing. Ha ha ha!”

     Naging malaking bagay rin daw kasi si Jak na nakatulong sa kanyang mag-mature at hindi lang din daw niya ito boyfriend, naging bestfriend na rin niya.

***

PAGKATAPOS mag-trending ang maituturing na Top Online Couple sa bansa na sina Jayzam Manabat at Camille Trinidad, tahimik ngayon ang dalawa.

Sila lang naman ang may mahigit 12 million subscribers sa kanilang You Tube account, iba pa ang million subscribers nila sa individual accounts nila.

Talent din sila ng PPL Entertainment, Inc. kaya kapatid nila sa management sina Dingdong Dantes, Jolina Magdangal at marami pang-iba. At Star Music artists din sila dahil last year, nag-launch sila ng kanilang album.

Bukod sa pagiging sikat na vloggers, marami na rin silang endorsements at recently lang, nagbe-venture na sila sa iba’t-ibang business.

Pero, nabulabog, lalo na ang mga “Mandirigma” tawag sa kanilang mga tagahanga sa sunod-sunod na post ni Camille sa kanyang Facebook page. Ni-reveal ni Camille ang nadiskubreng panloloko o pambabae raw ni Jayzam.   At sabi nga niya, “Akala ko tatlo lang pero apat pala sila. Sana naman wala ng lumabas dahil sobrang sakit na. Para sa pang apat na babae chat ka ng chat sa akin kung okay lang ako ngayon tapos puta nakipag halikan kadin pala? At sa sasakyan pa namin?! Walang hiya kayo!      “Nakakadiri kayo! ikaw kung matino ka maliligo ka nalang mag sesend kapa ng suso mo? At jayzam sobrang grabe na to. Feb 13? Nag away tayo nyan may pa post post kapa na sumasayaw ng chivalry is dead dahil gusto mo ulit manligaw, dahil sa ginawa mong kasalanan sa kapatid kong si obrie, may pabili bili kapa ng bulaklak dahil valentines day?! Tapos pag tapos nun dapat matino kana?! Dahil okay na ulit tayo?!

“So feb 15 natapos lahat ng kalokohan ni jayzam hindi na nag inom wala nadin kami kasama sa bahay kundi magulang nalang. Pero ngayon na nag labasan lahat hindi ko na kinakaya pa. At walang tigil tong isip ko kung bakit nagawa sakin to. Parang awa mo na sana huli natong nakita ko dahil sobrang sakit na ng ginawa mo. Wala nakong luhang maipatak dahil ubos na ubos na ko.”

Marami pang ipinost si Camille, kabilang ang mga pictures ng mga babae na diumano’y “babae” ng boyfriend.

Sa mga taga-subaybay nina Jayzam at Camille, alam ng lahat na matagal ng nagli-live-in ang dalawa at siguro, kung may kulang man sa kanila, kasal na lang. Nang huli namin silang makausap, naitanong pa namin sa kanila kung ano ang meron sa kanila at sa apat na taon, strong pa rin ang relationship nila na sinagot ni Camille nang, “yung loyalty.”

Obviously, kampi kay Camille ang netizens at pinapayuhan ito na hiwalayan na si Jayzam. Though, from a source, magkasama pa rin daw ang dalawa. At yung mga nakakakilala sa mga ito, naniniwala at umaasang malalagpasan nila at hindi mauuwi sa hiwalayan. (ROSE GARCIA)