Kai Sotto excited na makasama si Kobe Paras
- Published on April 28, 2021
- by @peoplesbalita
Excited na si NBA prospect Kai Sotto na makasama sa workout si Kobe Paras sa East West Private (EWP).
Kamakailan lamang, pumasok si Paras sa EWP na siyang tutulong sa kanyang basketball career.
At isa si Sotto sa mga lubos na natuwa sa naging desisyon ni Paras.
Nais ni Sotto na makatuwang si Paras sa pag-abot ng kani-kanilang pangarap sa mundo ng basketball.
“Sobrang excited ako to work alongside Kobe and to help each other na mag-succeed sa sari-sarili naming mga path,” ani Sotto.
Si Paras ang isa sa pangunahing defender ni Sotto sa mga bashers.
Matatandaang naglabas ito ng saloobin sa Twitter para depensahan si Sotto sa mga bumabanat na netizens matapos ma-bigo ang NBA G League stint nito.
Bagong buhay ang tatahakin nina Sotto at Paras kasama ang EWP.
Nagdesisyon si Paras na linasin na ang University of the Philippines (UP) at tuluyan nang iwan ang kanyang final playing year sa UAAP para isentro ang atensiyon sa EWP.
Sa kabilang banda, tutulak sa Australia si Sotto para maglaro sa National Basketball League (NBL) kasama ang Adelaide 36ers.
Ibubuhos muna ni Sotto ang buong panahon nito sa NBL habang naghihintay na maging eligible sa NBA Draft.
Hindi pa maaaring lumahok si Sotto sa NBA Draft dahil kaga-graduate lamang nito sa high school.
Isa sa requirement ng NBA na kailangang isang taon nang high school graduate ang isang applicant para mapasama ito sa opisyal na listahan ng mga rookie draftees.
-
MAVY LEGASPI, gustong maka-loveteam si KYLINE ALCANTARA
Para sa 46th birthday ni Donita Rose noong nakaraang December 5, nag-organize ito ng isang photoshoot kunsaan may glam team pa na nag-ayos ng kanyang make-up, buhok at isusuot. Na-miss raw ni Donita ang ganitong klaseng photoshoots, lalo noong panahon na nagsisimula pa lang noong 1989 at nung maging sikat siyang VJ ng MTV […]
-
Mag-inang Sylvia at Arjo, nagkamit din ng tropeo: JODI at JM, waging best drama actress and actor sa ‘Star Awards for TV’
ITINANGHAL na Best TV Station ang GMA-7 habang nakamit nina Jodi Sta. Maria at JM de Guzman ang top acting awards bilang Best Drama Actress at Actor sa matagumpay na face-to-face awards night ng 35th Star Awards For Television ng The Philippine Movie Press Club (PMPC). Ginanap nitong Sabado, Enero 28, sa Grand Ballroom ng […]
-
Pagpapaliban ng Brgy., SK polls lusot sa 2nd reading ng Senado
LUSOT na sa ikalawang pagbasa ang Senate Bill 1306 na nagpapaliban ng isang taon sa Barangay at Sangguniang Kabataan (SK) Elections. Dalawa lamang sa mga senador ang bumoto ng No sa panukala na sina Senators Koko Pimentel at Risa Hontiveros. Matapos ang ‘period of interpellation’ ay hindi na sumalang sa committee […]