DOH: Pagtuturok ng AstraZeneca COVID-19 vaccines, itutuloy na
- Published on May 10, 2021
- by @peoplesbalita
Itutuloy na ng Pilipinas ang pagtuturok ng COVID-19 vaccines na gawa ng Oxford University at British pharmaceutical company na AstraZeneca.
Ito ang sinabi ng Department of Health (DOH) matapos na pansamantalang ipatigil ang pagbabakuna gamit ang naturang vaccine brand.
“Based on current evidence, Vaccine-Induced Thrombosis and Thrombocytopenia (VITT) is a very rare condition of blood clots associated with low platelet counts that can occur 4 to 28 days after receiving a viral vector vaccine such as AstraZeneca,” nakasaad sa statement.
“It was concluded that there are currently no known risk factors for VITT and that the benefits of receiving the vaccine against COVID-19 still outweighs the risk.”
Ayon kay Health Usec. Maria Rosario Vergeire, bunga ng pagpupulong ng ahensya, Food and Drug Administration, at Philippine Society of Hematology and Transfusion Medicine Inc. ang desisyon na ituloy ang pagbabakuna ng AstraZeneca vaccine.
Kung maaalala, sinuspinde ng DOH at Food and Drug Administration noong nakaraang buwan ang pagtuturok ng AstraZeneca vaccines sa mga edad 59-anyos pababa.
Hindi naman naapektuhan ang pagbabakuna ng nasabing vaccine brand sa mga senior citizen.
Kasunod ito ng mga naitalang insidente ng “blood clotting” at mababang platelet count sa ilang nabakunahan sa Europa at Estados Unidos. (Daris Jose)
-
Kung matutuloy mag-guest sa ‘Bubble Gang’: MICHAEL V., nakaisip na agad ng project na pwede nilang gawin ni VICE GANDA
NGAYONG nasa GTV na ang noontime show na “It’s Showtime,” naging open na ang main host nito na si Vice Ganda na type niyang mag-guest sa mga GMA shows. Kaya naman nakaisip agad si Michael V. ng isang project sakaling gustong mag-guest ni Vice sa “Bubble Gang.” Ayon pa kay Bitoy, open daw si […]
-
PAUL, aminadong mas nakaka-stress ang may lovelife
PINAGDIINAN ni Paul Salas na wala siyang lovelife. Huling na-link si Paul ay kay Taki Saito. Ang ex-girlfriend naman niyang si Barbie Imperial ay umaariba ulit sa lovelife dahil kay Diego Loyzaga. Sey pa ng Kapuso hunk na mas nakaka-stress daw ang magkaroon ng lovelife kesa sa trabaho. “Wala pong lovelife. Ang […]
-
Liza, pinaniniwalaan ni Herbert sa mga adbokasiya niya
KAHIT ang dating Mayor ng Quezon City at actor na si Herbert Bautista ay nagbigay ng kanyang pahayag sa ginagawang red tagging kay Liza Soberano. Sa pamamagitan ng manager ni Liza na si Ogie Diaz ay ipinaabot nito ang kanyang saloobin sa nangyayari. Dahil hindi ma-socmed si Herbert kaya pinaabot na lang niya. […]