TRB: RFID 3-strike policy tuloy na sa May 15
- Published on May 12, 2021
- by @peoplesbalita
Sisimulan nang ipatupad ng Toll Regulatory Board ang 3-strike policy kung saan pagmumultahin ang mga motorista na gumamit ng tollways’ cashless lanes kahit na kulang ang load.
Ayon sa mahigpit na regulasyon ng TRB, ang mga lalabag sa policy ay bibigyan ng warning sa una at ikalawang offenses. Sa ikaltlong offense naman ay kukunin ang driver’s license at magbabayad ng P1,000 na multa.
“The three-strike policy is timely. We are just trying to give justice and fairness to many responsible and compliant RFID subscribers who are inconvenienced by the irresponsibility of the few who would not want to load or who would not want to be responsible subscribers,” wika ng TRB.
Sa pamamagitan ng three-strike policy, ang pamahalaan ay umaasa na mawawala ang pagkabalam sa mga toll lanes at maiiwasan ang mga reklamo ng mga motoristang mayrong RFID tags at load credits.
Noong nakaraang taon ay binigyan ng Department of Transportation (DOTr) na hanggang Nov. 12 ang pagpapatupad ng 100 percent cashless scheme sa lahat ng expressways. Subalit inilipat ito noong Dec. 1 upang bigyan pa rin ng tamang pagkakataon ang mga motorista upang maglagay ng RFID stickers.
Muli, upang masigurado ang pagkakaron ng efficient na implementasyon, ang DOTr at TRB ay nagbigay na naman ng panibagong deadline hanggang Jan. 11, 2021 na walang multa ang ipapataw sa mga motoristang walang RFID. Pinagutos rin na ang paglalagay ng mga RFID ay patuloy pa rin kahit na tapos na ang transition period para sa mga non-frequent tollways users.
Sa nakaraang plano, sinabi ng DOTr na pagkatapos ng Jan.11 hindi lahat ng lanes sa toll gates ay gagawing stickering lane.
“Only one or two stickering lanes or one installation tent before entry at the toll gate would be assigned wherein RFID can be installed on vehicles,” saad ng DOTr.
Dagdag pa rin ng DOTr na sinabihan nila ang mga toll operators na dapat silang maglagay ng signages kung saan mayron stickering lanes upang malaman ng mga motoristang walang RFID kung saan sila pipila.
“They can be issued a ticket if they will line up in the RFID only lane, especially if they will cause delays to the vehicles behind them,” wika pa rin ng DOTr. (LASACMAR)
-
DINGDONG at MARIAN, naging tahimik lang sa halos dalawang linggong pakikipaglaban sa COVID-19
TALAGANG nanahimik lang ang mag-asawang Dingdong Dantes at Marian Rivera sa loob ng halos dalawang linggo na sila pala ay tinamaan din at nag-positibo sa COVID-19. Tila buong household nina Dingdong at Marian ang nag-positive. Pero nang makausap namin si Dingdong at kamustahin, lalo na ang dalawang anak nila na sina Zia at […]
-
Pelicans naitabla ang serye vs Suns, matapos magtamo ng injury si Booker
NASILAT ng New Orleans Pelicans ang top team na Phoenix Suns sa iskor na 125-114, kaugnay sa nagpapatuloy na first round ng NBA playoffs sa Western Conference. Dahil dito tabla na ang best-of-seven series sa tig-isang panalo. Naging daan sa panalo ng Pelicans ang all-around performance ni Brandon Ingram na may […]
-
HIGIT 100 PAMILYA APEKTADO NG DEMOLISYON SA TONDO
ITINULOY pa din ang pagdemolish sa kabila ng kahilingan ng Office of the City Legal Office sa Maynila na ipagpaliban ang pagpapagiba sa higit 60 istraktura na nakatirik sa pagmamay-ari ng isang pribadong kumpanya, makaraang basbasan ng kinatawan ng City Engineering Office sa Tondo. Ayon kay Engr. Ed Balayan, building inspector, binigyan nila […]