‘Bayanihan para sa PGH,’ panawagan din ng Palasyo
- Published on May 18, 2021
- by @peoplesbalita
Ikinalulungkot ng Malacanang ang pagkasunog ng Philippine General Hospital (PGH) sa Lungsod ng Maynila bago mag-ala-1:00 ng madaling araw noong Linggo, May 16.
Kasabay nito ay nanawagan ng tulong si Presidential Spokesman Harry Roque para sa mga naapektuhan ng sunog.
We are saddened by the fire that hit a portion of the Philippine General Hospital (PGH) early morning today. Hospital operations continue even as repairs are ongoing,” mensahe ni Roque.
“Big or small, cash or in kind, these acts of kindness and generosity would be of great help and assistance to those who are in need. Kindly send them to the official fundraising groups of the state-run hospital. Bayanihan para sa PGH,” he added.
Sa mga oras na ito ay patuloy na inaalam ang sanhi ng pagkasunog sa bahagi ng nasabing ospital, ang pinakamalaking referral hospital para sa mga pasyente ng coronavirus sa bansa.
Matapos ngang maideklarang under control ang sunog pasado alas-2:00 ng madaling araw, nagsisilbing temporary shelter partikular ng mga pedia patients at newborn babies ang chapel ng PGH.
Kasabay nito ang pag-apela ni Father Marlito Ocon ng PGH chapel na sila ay ipagdasal kahit mayroon nang nasisilungan.
Sa panig naman ni Dr. Jay Germar ng UP (University of the Philippines) College of Medicine na malapit lamang sa PGH, ligtas at kompleto namang nailikas ang lahat ng pasyente.
Sa ngayon ay kailangan ng PGH ang mga industrial fans upang mataboy ang usok na bumalot sa mga ward bunsod nga ng sunog na umabot pa sa ikatlong alarma.
Bagama’t walang naitalang casualties, nag-iwan ang sunog ng pinsalang aabot sa P300,000 ayon sa Bureau of Fire Protection.
Nabatid na pangalawang sunog sa ospital ang naitala sa PGH, kung saan nitong Miyerkules ay nasunog din ang Pasig City General Hospital. (Gene Adsuara)
-
“Caregivers Welfare Act” pasado na
Pasado na sa pinal na pagbasa ang mga panukala na nagsusulong ng kapakanan ng mga caregiver at pagpapalawig sa proteksyon ng mga kababaihan laban sa diskriminasyon. Layon ng House Bill 135 o ang “Caregivers Welfare Act” na gawing polisiya ang proteksyon sa mga caregivers, sa kanilang pagganap sa kanilang mga tungkulin. Batay sa […]
-
ANGELINE, nagiging emosyonal pero nag-let go na dahil mas peaceful na ang namayapang ina
NAGING emotional si Angeline Quinto nang sariwain ang alaala ng kanyang namayapang ina sa contract signing cum presscon ng kanyang bagong endorsement na Ayesha Beauty Products noong Biyernes ng hapon sa Romulo’s Café. Aminado si Angeline na masyadong siyang naapektuhan sa pagkamatay ng kanyang ina. “Pero sinabi ko kay Mama na […]
-
Ilang senador, “overreacting” sa pagkadismaya ni pdu30 sa banat nito laban sa senate hearing
PARA kay Chief Presidential Legal Counsel Salvador Panelo, “overreacting” ang ilang senador sa pagkadismaya ni Pangulong Rodrigo Roa Duterte sa nagpapatuloy na imbestigasyon ng Senate Blue Ribbon Committee hinggil sa pagbili ng medical supplies sa gitna ng coronavirus disease 2019 (Covid-19) pandemic. Sa kanyang commentary show na Counterpoint, nilinaw ni Panelo na hindi kailanman […]