Gilas 3×3 todo ensayo na!
- Published on May 22, 2021
- by @peoplesbalita
Doble-kayod na ang Gilas Pilipinas 3×3 bago tumulak patungong Graz, Austria para sa FIBA 3×3 Olympic Qualifying Tournament sa Mayo 29 hanggang 30.
Ayon kay Gilas 3×3 head coach Ronnie Magsanoc, sumasalang sa dalawang ensayo kada araw ang kanyang bataan dahil ngayon lamang nakumpleto ang tropa.
“In terms of effort, I really could not ask for anything more from the players during our first week of training, and they also did their best to build on that with our online training sessions,” ani Magsanoc.
Itutuloy ang twice-a-day training hanggang sa Sabado bago umalis ang delegasyon sa Linggo patungong Austria.
Tiwala si Magsanoc sa magiging laban ng Gilas 3×3 kontra sa matitikas na koponan sa mundo.
Nasa Pool C ang Pilipinas kasama ang Slovenia, France, Qatar at Dominican Republic.
Kailangan ng Gilas 3×3 na makakuha ng dalawang panalo o higit pa upang umabante sa knockout quarterfinals.
“Now it’s about bringing everything together and forming a team that we can be proud of, a team that can compete against the best in the world,” ani Magsanoc.
Bibitbitin nina Joshua Munzon, Mo Tautuaa, CJ Perez at Alvin Pasaol ang bandila ng Pilipinas sa Olympic qualifiers kung saan ipaparada ng tropa ang bagong Gilas 3×3 jersey.
-
‘Maximum tolerance’ tiniyak ng PNP sa paglabas ng mga bata
Tiniyak ng Philippine National Police (PNP) na kanilang paiiralin ang “maximum tolerance” sa pagpapatupad sa panibagong protocol ng Inter Agency Task Force hinggil sa pagpayag na lumabas na rin ang mga bata sa iilang lugar. Inihayag ito ni PNP chief Gen. Guillermo Eleazar kasabay ng paalala sa mga magulang na kailangan pa rin […]
-
PCO Sec. Chavez, inatasan ni ES Bersamin na maghanap na ng iuupong bagong PTFOMS
SINABI ni Presidential Communications Office Secretary Cesar Chavez na inatasan na siya ni Executive Secretary Lucas Bersamin na maghanap ng magiging kapalit ni dating presidential task force on media security o PTFOMS executive director Paul Gutierrez sa lalong madaling panahon. Sa isang ambush interview sa Malakanyang, sinabi ni Chavez, kung siya ang tatanungin, gusto […]
-
Pagsuporta nina PDu30, Sara sa kani-kanilang “manok” sa 2022 elections, normal lang- Nograles
NORMAL lang kina Pangulong Rodrigo Roa Duterte at sa kanyang anak na si Davao City Mayor at vice presidential aspirant Sara Duterte na suportahan ang iba’t ibang kandidato sa May 2022 elections. Tugon ito ni Cabinet Secretary ay Acting Presidential Spokesperson Karlo Nograles sa naging panawagan ni Sara sa kanyang mga supporters sa Tagum […]