PDP-Laban, bumoto na naglalayong hikayatin si PDu30 na tumakbo sa pagka-Bise-Presidente sa 2022
- Published on June 2, 2021
- by @peoplesbalita
BUMOTO ang Partido Demokratiko Pilipino-Lakas ng Bayan’s (PDP-Laban) national council , araw ng Lunes na bumuo ng isang resolusyon na naglalayong hikayatin si Pangulong Rodrigo Roa Duterte, chairman ng partido na tumakbo sa pagka-bise-presidente sa susunod na taon.
Ang nasabing resolusyon ay mage-endorso rin kay Pangulong Duterte, na pumili ng magiging running-mate nito para sa 2022 presidential elections.
Matatandaang makailang ulit namang itinanggi ni Pangulong Duterte na ang kanyang anak na si Davao City Mayor Sara Duterte-Carpio ay tatakbo sa 2022 presidential race.
Magkagayon man, ipinaubaya naman ni Pangulong Duterte sa Diyos kung tatakbo siya o hindi sa pagka-bise-presidente.
Sinabi ni Presidential Spokesperson Harry Roque na tatakbo si Pangulong Duterte bilang Vice President sa 2022 elections kapag nakatanggap siya ng mensahe mula sa Diyos.
“A message from God because he said he leaves it to God,” ayon kay Sec. Roque.
Sinabi pa ni Sec. Roque na mag-a-anunsyo ang Pangulo sa tamang oras.
“If the President thinks it is God’s will, he will make the proper announcement in due course,” ayon naman kay Presidential Spokesperson Harry Roque.
Kamakailan ay mariing kinontra ni Sen. Manny Pacquiao ang direktiba ni Energy Sec. Alfonso Cusi sa mga miyembro ng PDP-Laban na magtipon tipon para sa national assembly sa katapusan ng buwan.
Si Pacquiao bilang presidente ng PDP ay naglabas ng memorandum na nag-aatas sa lahat ng mga miyembro ng partido na ‘wag sundin ang panawagan ni Cusi na magkaroon ng national assembly sa May 31.
Ito ay limang buwan bago naman ang filing of certificates of candidacy para sa 2022 national elections.
Ayon kay Pacquiao anumang pagtitipon para sa pagpupulong ng kanilang national council o kaya assembly ay dapat na aprubado ng kanilang chairman at presidente.
Ang chairman ng partido ay si Pangulong Rodrigo Duterte.
Una nang nagbanggaan sina Pacquiao at Cusi noong buwan ng Marso dahil sa pagsusulong ng ilang grupo sa LDP na patakbuhin bilang bise presidente ang Pangulong Duterte sa 2022 presidential elections.(Daris Jose)
-
Provincial buses pinayagan sa EDSA dumaan pansamantala
SINIMULAN noong April 3 hanggang April 10 na ang mga provincial buses ay pinayagan ng Metropolitan Manila Development Authority (MMDA) dumaan sa EDSA dahil sa pagdagsa ng mga motorista at pasahero sa pag-alala sa Semana Santa. Ang mga provincial buses ay maaaring dumaan sa EDSA mula 10:00 ng gabi hanggang 5:00 ng umaga na […]
-
Lalaking nagtangkang bumaril sa pulis, kalaboso
Masuwerte pa rin ang isang lalaki na nang-agaw ng baril ng isang pulis at tinangkang barilin nito ng tatlong beses matapos magpasya ang kabaro ng parak na arestuhin ito sa halip na barilin para mamatay sa Caloocan city, kamakalawa ng gabi. Ayon kay Caloocan police chief Col. Samuel Mina Jr., nagmamaneho ng motorsiklo habang […]
-
FREE ANTI RABIES VACCINE HANDOG NG ALPHA KAPPA RHO – KAPPA RHO COMMUNITY CHAPTER
FREE ANTI RABIES VACCINE HANDOG NG ALPHA KAPPA RHO – KAPPA RHO COMMUNITY CHAPTER sa RMS Ville, Brgy. Gen. Tiburcio De Leon, Valenzuela City. Sa pangunguna ni Grand Skeptron Carl Dacasin at ang kanyang Chapter Founder na si Roi Miguel Alabastro at sa kooperasyon ng ANGKOP – Ang Animal Ko Protektado at ni Doc […]