Fajardo utay-utay lang muna sa pagpapraktis
- Published on June 11, 2021
- by @peoplesbalita
HINDI nakakaramdam ng sakit si Philippine Basketball Association star June Mar Fajardo ng San Miguel Beer sa kanyang shin injury, pero ayaw pa niyang tumodo sa mga ensayo.
May palugit pa naman siya upang makondisyon bago buksan ang 46th PBA Philippine Cup 2021 bago matapos ang kasalukuyang buwan o unang linggo ng Hulyo.
“Marami na kaming ginagawa na mga footwork drill ng physical therapist namin para makuha ko ulit ang kumpiyansa ko,” wika Martes ng 31 taong-gulang, 6-10 ang taas na sentro mula sa Cebu sa 2OT podcast. “So far maganda naman ang movements ko. Sana tuloy-tuloy. May one month pa naman ako para mag-prepare.”
Tinataya ng basketbolista na makukuha niya ang full game-shape niya bago ang import-less season-opening conference sa Ynares Center sa Antipolo o Ynares Arena sa Pasig.
Labis din ang pasasalamat niya na nabigyan ng pagkakataong muling makalaro pagkaraang mabalian ng alulod sa praktis noong Pebrero 2020 na nagpaliban sa kanya buong ika-45 edisyon ng propesyonal na liga sa nasabing taon.
“Masaya ako, lagi ko ipinapasalamat kay God na binigyan ulit ako ng chance na makapagbasketbol uli,” ang hirit ng six-time PBA MVP. “Kasi nga, nakakatakot ang nangyari sa akin, eh. Binigyan Niya ako ng second chance na makabalik. Kaya gagawin ko ang best ko para makuha ko old form, o mas mataasan ko pa ang nilalaro ko dati.” (REC)
-
Ilang bahagi ng Malakanyang, nagkaroon ng bagong bihis
BAGONG bihis na ang ilang bahagi ng Palasyo ng Malakanyang matapos na isailalim sa renovation o pagsasa-ayos makaraan ang 4 na dekada. Sa mahigit na 6 na buwan sa puwesto ni Pangulong Ferdinand Marcos Jr., ay nagawa ng administrasyon nito na bigyan ng bagong bihis ang Palasyo ng Malakanyang. Sa ulat, […]
-
Aminadong napi-pressure kaya dapat niyang galingan: GELA, pinakamatapang at mas palaban kumpara kina ARJO at RIA
NAGING emosyonal si Gela Atayde ginanap na welcome presscon na in-organize ng kanyang talent management na Star Magic, lalo nang mapanood niya ang mensahe ng kanyang Mommy Sylvia Sanchez. Para ito sa pagwawagi ng dalaga nina Papa Art Atayde at Sylvia sa World Hip-Hop Dance Championship na ginanap sa Phoenix, Arizona. […]
-
MAINE, JUDY ANN at RYAN, bakunado na rin at hinihikayat ang netizens; ‘wag ding maniwala sa sabi-sabi
SUNUD-SUNOD na ang mga celebrities, na pasok sa A4 category ang media at entertainment industry, na nagpapabakuna ng COVID-19 vaccine at kabilang na nga ang Eat Bulaga dabarkads na si Maine Mendoza. Sa kanyang Instagram post, makikita ang photos na pagpaturok ng bakuna na pinusuan naman ng netizens. Caption ng tv […]