‘Hazard pay’ ng health workers ‘di pa naibibigay
- Published on June 15, 2021
- by @peoplesbalita
Aminado ang isang opisyal ng Department of Health (DOH) na hindi pa nailalabas ng Department of Budget and Management (DBM) ang ‘hazard pay’ ng mga health workers para sa unang anim na buwan ng kasalukuyang taon.
Sinabi ni Health Undersecretary Leopoldo Vega na kasalukuyang pinoproseso pa nila sa DBM ang pagpapalabas ng ‘hazard pay’ maging ang ‘special risk allowance’ ng mga health workers.
Dahil dito, marami nang mga health workers ang nagrereklamo sa mabagal na proseso ng pagpapalabas ng kanilang mga benepisyo habang nanganganib ang kanilang kalusugan dahil sila ang nasa pinaka-unahan sa paglaban sa COVID-19 sa mga pagamutan.
Sinabi pa ni Vega na may ilang health workers na ang nagbibitiw sa kanilang trabaho na maaaring magresulta sa kakapusan ng kanilang mga tauhan.
Bukas pa rin naman umano ang nasa 10,300 na posisyon para sa mga health workers sa iba’t ibang panig ng bansa para mapalakas ang health care system ng mga pagamutan lalo na sa labas ng National Capital Region. (Gene Adsuara)
-
Miyembro ng “Andaya Criminal Group”, tiklo sa baril at granada sa Caloocan
ISANG miyembro umano ng “Andaya Criminal Group” na sangkot sa pagbebenta ng baril sa Northern Part ng Metro Manila ang arestado sa isinagawang buy bust operation ng pulisya sa Caloocan City. Kinilala ang naarestong suspek bilang si Jun Lemana alyas “Bay”, 39, vendor ng 43 Ovalleaf Maligaya street, Parkland Brgy., 177 ng lungsod. […]
-
Mga batang kasali sa face-to-face classes hindi mandatory na bakunado
HINDI kasama sa requirement ng mga batang sasali sa face- to -face classes ang magpabakuna laban sa Covid -19. Sa Laging Handa public briefing, sinabi ni Department of Education (DepEd) Secretary Leonor Briones, mataas kasi ang resistance level sa mga bata para magpabakuna. Nasa mga magulang na ang pagpapasya kung pababakunahan […]
-
Ads May 10, 2022