17 atleta na ang isasabak ng Pinas!
- Published on July 2, 2021
- by @peoplesbalita
Opisyal nang maglalaro sina 2021 US Women’s Open champion Yuka Saso at Bianca Pagdanganan sa Olympic Games sa Tokyo, Japan.
Pumuwesto si Saso sa No. 9 habang No. 42 si Pagdanganan sa listahan ng International Golf Federation (IGF) para sa 60 women golfers na papalo sa Tokyo Olympics sa Hulyo 23 hanggang Agosto 8.
Ang 20-anyos na si Saso at ang 23-anyos na si Pagdanganan ang ikalawa at ikatlong golfers na sasabak sa Tokyo Olympics kasama si Juvic Pagunsan na tumaas sa No. 49 sa men’s class.
Umakyat na sa 17 ang mga Pinoy qualifiers sa Tokyo Olympics na mas marami kumpara sa 13 lahok noong 2016 na idinaos sa Rio de Janeiro, Brazil kung saan inangkin ni weightlifter Hidilyn Diaz ang silver medal.
Bukod kina Saso, Pagdanganan, Pagunsan at Diaz, ang iba pang Olympic qualifiers ay sina weightlifter Elreen Ann Ando, skateboarder Margielyn Didal, pole vaulter Ernest John Obiena, gymnast Carlos Edriel Yulo, shooter Jayson Valdez, Fil-Am trackster Kristina Knott, taekwondo jin Kurt Barbosa, rower Cris Nievarez, Fil-Japanese judoka Kiyomi Watanabe at boxers Eumir Felix Marcial, Irish Magno, Nesthy Petecio at Carlo Paalam.
Si Miguel Tabuena ang huling golfer na naisalang ng bansa sa Olympics noong 2016 sa Rio de Janeiro.
Ang tatluhan nina Saso, Pagdanganan at Lois Kaye Go ang umangkin sa gold medal ng women’s team competition noong 2018 Asian Games sa Indonesia.
Kinuha rin ni Saso ang gintong medalya sa individual category.
-
OMICRON NAKAPASOK NA SA PINAS, 2 KASO NATUKOY
KINUMPIRMA ng Department of Health (DOH), University of the Philippines – Philippine Genome Center (UP-PGC), at University of the Philippines – National Institutes of Health (UP-NIH) ang dalawang kaso ng Omicron (B.1.1.529) variant of concern sa bansa . Ayon sa DOH, ito ay natukoy mula sa 48 samples na na-sequence ng PGC kahapon, Dec.14. […]
-
COVID-19 sa Metro Manila nasa ‘moderate risk’ na
Kinumpirma ni Health Secretary Francisco Duque III kahapon na naibaba na sa ‘moderate risk’ ang buong Metro Manila dahil sa patuloy na pagbaba ng mga bagong kaso ng COVID-19. Sinabi ni Duque na ito ay dahil sa naitalang 39% COVID-19 growth rate mula Mayo 2-15 buhat sa dating 46% growth rate. […]
-
Malakanyang, nagpaabot ng pakikiramay sa pagpanaw ni Ang Dating Daan Bro. Eli Soriano
NAGPAABOT ng pakikiramay ang Malakanyang sa pamilya, kaibigan, mahal sa buhay at followers ni Bro. Eliseo “Eli” Soriano na pumanaw sa edad na 73. Si Bro. Eli ay isang isang mapagmahal na mangangaral ng “Ang Dating Daan” kung saan ang kanyang mga aral ay humahaplos sa buhay at nagsisilbing gabay ng marami. “His […]