Pasabog ni Pacquiao na may nawawalang P10.4 bilyon sa pondo ng SAP, watusi lang- Sec. Roque
- Published on July 7, 2021
- by @peoplesbalita
WATUSI lang kung ituring ng Malakanyang ang alegasyon ni Senado Manny Pacquiao na may nawawalang P10.4 bilyon sa pondo ng Social Amelioration Program (SAP).
“Watusi po. Akala ko atom bomb ‘yon pala watusi. Wala po . walang kuwenta kasi puro generalized allegations po. Walang bill of particulars. Walang specific instance, walang ebidensiya, wala man lang follow up dahil kagaya nga po ng sinabi ni Senador (Richard) Gordon “paano naman yan .. papaimbestiga siya sa Senado pero wala iyong proponent, sino iyon magtatanong,” ayon kay Sec. Roque.
Tila ipinamukha naman ni Sec. Roque kay Pacquiao na mali ang sistemang nais na itulak ng senador sa usaping kanyang pinalutang.
“Hindi po ganyan ang trabaho ng Senado. Dapat ay ayusin muna ang trabaho niya bilang isang senador, patunayan ang kanyang mga paratang dahil kung hindi politika lamang ang mga pinagsasabi ni Senator Pacquiao,” diing pahayag ni Sec. Roque.
Nauna rito, sa isang online media briefing, inilabas ni Pacquiao ang kanyang pasabog na korapsyon sa gobyerno at sinabing nasa 1.3 milyong benepisyaryo ng SAP ang hindi umano nakakuha ng tulong ngayong may pandemya dulot ng COVID-19.
Kinuwestyon din ni Pacquiao ang paggamit ng e-wallet na Star Pay sa programa ng SAP.
Sinabi pa ni Pacquiao na nalulula siya sa korapsyon kung saan ang isyu pa lamang ay umaabot na sa P10.4 bilyon.
“Nalulula po ako. Doon po sa binanggit ko na isang isyu lamang P10.4 billion na po kaagad ‘yon. Malaking pera po,” ani Pacquiao.
Ayon sa senador, sa 1.8 milyon aniyang benepisyaryo ng SAP, nasa 500,000 lamang ang nakakagamit ng Stay Pay app. Kailangan aniyang i-download ang nasabing app para makuha ang kanilang benepisyo.
“Batay sa ating imbestigasyon, lumalabas na sa inisiyal na disbursement sa Star Pay account para sa 1.8 million beneficiaries, na katumbas ng 14 billion… Bakit parang 1.8 million na binigyan ng SAP sa Star Pay ay 500,000 lamang po na katao ang na-download nito,” ani Pacquiao.
Dahil dito, balak ni Pacquiao na maghain ng isang resolusyon upang imbestigahan ng Senate Blue Ribbon Committee ang Star Pay.
Ibinunyag din ni Pacquiao na naglaan umano ang Department of Social Welfare and Development ng P50 bilyon para sa application gayong nasa P62,000 lamang ang kapital nito. (Daris Jose)
-
Bagong voter registration system na “Register anywhere,” kasado na-Comelec
KASADO na para sa pilot testing ang panibagong sistema ng Commission on Elections na naglalayong mabigyan ng pagkakataon ang mga voter registrants na makapagparehistro kahit hindi sa kanilang siyudad o bayan na kinabibilangan. Sa Laging Handa Public briefing, sinabi ni COMELEC Spokesperson Atty. John Rex Laudiangco, bunsod ng pagiging abala ng mga dapat […]
-
MIC, prayoridad ang energy transmission investments
PRAYORIDAD ng Maharlika Investment Corp. (MIC), ahensiya na mangangasiwa sa sovereignty wealth fund, ang pamumuhunan sa energy transmission lines sa iba’t ibang rehiyon. Sinabi ni MIC President and Chief Executive Officer Rafael D. Consing Jr., na marami ng investments sa ‘generation at distribution side’ sa sektor ng enerhiya. “So Maharlika will […]
-
Phoenix Suns target si Chris Paul
KINAUSAP ng Phoenix Suns ang Oklahoma City Thunder sa posibleng pagkuha nila kay All-Star point guard Chris Paul. Maganda umano ang naging pag-uusap ng dalawang koponan pero wala pa umanong namumuong deal, ayon sa source. Matatandaang iniligay din dati ng Thunder sa trade market sina Paul George at Russel Westbrook at ngayon handa […]