Taal eruption: Police assistance desk, itinayo sa mga evacuation centers
- Published on July 8, 2021
- by @peoplesbalita
Mayroon nang matatagpuan na mga police assistance desk ng Philippine National Police (PNP) sa mga evacuation center kung saan pansamantalang nanunuluyan ang mga nagsilikas na residente dahil sa pag-aalburoto ng Bulkang Taal.
Nais kasi ni PNP Chief Gen. Guillermo Eleazar na agad makapagresponde ang mga pulis sa mga evacuee at matiyak ang kanilang kaligtasan “24/7.”
Matatagpuan ang mga police assistance desks (PADs) sa iba’t ibang evacuation centers sa apat na bayan sa Batangas kabilang ang Agoncillo, Laurel, Lemery at San Nicolas.
Ayon kay Eleazar, layunin nito na agad matulungan ng mga pulis ang mga residenteng nagsilikas.
Ang mga pulis na magmamando sa mga PAD ay magsisilbi rin na mga health protocol officers para matiyak na mayroong social distancing sa mga evacuation center.
Paliwanag ni Eleazar, nasa pandemya pa rin ang bansa kung saan mataas pa rin ang kaso ng Coronavirus Disease bukod pa sa pagkakaroon ng Delta variant na mabilis na makahawa kaya kailangan pa rin ang ibayong pag-iingat.
Nanawagan din ang PNP chief sa mga residente na malapit sa tinatawag na permanent danger zone na huwag nang ipilit na pumasok dahil delikado pa rin lalo na’t may babala ang Philippine Institute of Volcanology and Seismology na posibilidad ng malakas na pagsabog.
-
Canelo Alvarez humirit ng rematch kay Dmitry Bivol
HUMIRIT agad ng rematch si Mexican boxer Canelo Alvarez matapos na talunin siya ni Dmitry Bivol ng Russia. Nakuha kasi ni Bivol ang unanimous decision sa kanilang light heavyweight title figh ni Alvarez na ginanap sa Las Vegas. Sa simula ng laban ay determinado ang 31-anyos na Russian boxer na manalo […]
-
Joy Belmonte, iba pang nanalo sa Quezon City, pormal nang naiproklama
KAGABI ay pormal na ring naiproklama ang mga nanalong kandidato sa Quezon City. Ang proclamation ay pinangunahan nina Atty. Lope de Gayo Jr, chairman Board of canvasser , Atty Vimar Barcellano Vice Chairperson,DOJ at Dr Jennilyn Rose Corpuz , Member Secretary , Deped. Muling nasungkit ni reelectionist QC Mayor Joy Belmonte […]
-
Unang batch ng bakunang made in Russia, maaaring dumating sa Abril 12
INAASAHAN na ang pagdagsa ng mga bakuna laban sa Covid -19 sa bansa ngayong buwan. Sinabi ni Chief Implementer at vaccine czar Secretary Carlito Galvez na maaaring sa darating na Lunes ay dumating na ang kauna- unahang batch ng bakuna na galing ng Russia. Nauna na kasing sinabi ni Galvez na inaasahan ang […]