Obiena bigo sa Olympic medal
- Published on August 6, 2021
- by @peoplesbalita
Sa kanyang tatlong attempts ay nabigo si Ernest John Obiena na malundag ang 5.80 meters sa finals ng men’s pole vault.
Ito ang tumapos sa kampanya ng 2019 Southeast Asian Games gold medalist sa Tokyo Olympic Games kagabi sa Japan National Stadium.
Pumuwesto sa 11th place ang 6-foot-2 na si Obiena, nagsanay sa ilalim ni Ukrainian legendary coach Vitaly Petrov, sa kanyang ipinosteng 5.70m katabla si Bo Kanda Lita Baehre ng Germany.
“You could see the desire was there to win, but in accordance with the rules, he knew his rules and rights and set things right. The best is yet to come for EJ and for the Philippine Athletics,” sabi ni Philippine Athletics Track and Field Association (PATAFA) president Philip Ella Juico.
Bago umabante sa finals ay kinailangan din niyang malundag ang 5.75m sa pangatlo niyang attempt.
Hindi rin nailapit ni Obiena ang nilundag niya sa Tokyo Olympics sa kanyang Philippine record na 5.87m.
Walang naging problema ang 25-anyos na batang Tondo sa pagtalon sa 5.55m habang nakuha naman niya sa pangatlong attempt ang 5.70m.
Si Obiena ang unang miyembro ng 19-man Team Philippines na nag-qualify sa Tokyo Olympics.
Sa mga mabibigat na international tournaments ay dalawang beses sinira ni Obiena ang sarili niyang national record bukod sa paghahari sa tatlong torneo.
Nakipaghati siya sa gold medal kay 2016 Rio de Janeiro Olympics gold medalist Thiago Braz ng Brazil sa magkatulad nilang 5.80m sa True Athletes Classics meet sa Leverkusen, Germany noong Hunyo.
-
Maraming pinagdaanan, at masuwerteng nakuha ang korona: MICHELLE, nagdalawang-isip pa sa muling pagsali sa ‘Miss Universe Philippines’
NAGING challenge sa newly-crowned Miss Universe Philippines 2023 Michelle Dee ang naging preparation niya para sa pageant dahil marami raw nangyari sa buhay niya emotionally and physically. “Approaching the competition, I was running on 1-2 hours of sleep every day. Miss Universe is the most bardagulan pageant, in my opinion. “You have to […]
-
DOH: ‘Karamihan ng namamatay sa COVID-19 sa Pilipinas, edad 60-69’
Nilinaw ng Department of Health (DOH) na hindi nagbago ang demographics o populasyon ng mga namamatay dahil sa COVID-19 sa bansa. Pahayag ito ng ahensya matapos lumabas ang ulat tungkol sa ilang kaso ng COVID-19 deaths sa mga kabataan. Ayon kay Health Usec. Maria Rosario Vergeire, nasa hanay pa rin ng matatanda at […]
-
Hamon ni Yorme Isko Moreno sa gobyerno, bahala na ang DILG- Sec. Roque
IPINAUBAYA na ng Malakanyang sa Department of Interior and Local Government (DILG) ang naging pahayag ni Manila Mayor Francisco “Isko Moreno” Domagoso na itutuloy ng lokal na pamahalaan ng Lungsod ng Maynila ang implementasyon ng EO 42 sa paggamit ng face shield sa kabila ng apela ng pamahalaan sa Local Government Units (LGUs) na manatiling […]