Pagbibitiw ni Duque iginiit
- Published on September 4, 2021
- by @peoplesbalita
Lumusob noong Miyerkoles ng umaga ang daan-daang healthcare workers na kaanib ng Alliance of Health Workers at Filipino Nurses United (FNU) sa harap ng head office ng Department of Health (DOH) sa Rizal Avenue, Maynila at nanawagan sa pagbibitiw ni Secretary Francisco Duque III.
Pasado 10:00 ng umaga, unang nagtipun-tipon ang mga health workers sa harapan ng Philippine General Hospital (PGH) bago nagmartsa patungo sa tanggapan ng DOH.
Lumahok dito ang mga healthcare workers buhat sa Jose R. Reyes Memorial Medical Center (JRRMMC), National Kidney and Transplant Institute (NKTI), Philippine General Hospital, Research Institute for Tropical Medicine at Tondo Medical Center. Umabot sa humigit kumulang 200 ang mga nagprotesta makaraang samahan sila ng iba’t ibang militanteng grupo.
Nagsagawa muna ng programa ang mga health workers na sinundan ng noise barrage bago tuluyang tinapos ang kanilang protesta. Panawagan ng mga demonstrador ang agarang pagbibitiw ni Duque dahil sa kabiguan na maibigay ang mga benepisyo nila kaugnay ng pandemya.
Ayon kay Cristy Donguines, presidente ng JRRMMC employees union, sa ngalan ng delicadeza ang panawagang pagbaba sa puwesto ni Duque.
Samantala, sinabi ni Filipino Nurses United (FNU) convenor Eleanor Nolasco na tuluy-tuloy ang isasagawa nilang kilos protesta laban sa DOH dahil hanggang sa ngayon ay marami pa ang hindi nakakatanggap ng pangakong ‘special risk allowance (SRA).
Bukod dito, hinihingi rin ng mga health workers ang kanilang meals, accomodation and transportation (MAT) allowance, at active hazard pay.
Sinabi naman ng DOH na naipamahagi na sa iba’t ibang rehiyon ang may P311 milyon benepisyo para sa mahigit 20,000 health workers. (Daris Jose)
-
‘Biggest attendance pero dapat dumami pa’
DINUMOG ng mga tagasuporta ni presidential candidate at Bise Presidente Leni Robredo, Linggo, ang Lungsod ng Pasig sa pinakamalaki nilang rally — gayunpaman, hinihikayat ng ikalawang pangulo na lalo pang abutin ang mas marami sa susunod na mga pagtitipon. Aabot sa 80,000 hanggang 137,000 ang dumalo sa PasigLaban rally noong Linggo, Marso 20 […]
-
Empleyado ng Manila City Hall, huli sa panloloko
SWAK sa kulungan ang isang 38-anyos na dalaga at empleyado ng City Treasurers Office ng Manila City Hall dahil sa panloloko at pagnanakaw ng malaking halaga mula sa mga stallholders ng Paco Market. Hawak ngayon ni P/Major Rosalino Ibay Jr., Hepe bg MPD-Special Mayors Reaction Team ang suspek na si Sherylet Lising, dalaga, Admin […]
-
De Lima pinayagan nang magpiyansa
PINAYAGAN na ng Muntinlupa regional trial court na makapagpiyansa sa halagang P300,000 ayon sa korte si dating senadora Leila de Lima matapos ang halos pitong taong pagkakakulong dahil sa mga kasong may kaugnayan sa droga. Sa pagdinig nitong Lunes, Nobyembre 13, 2023 sa natitirang kasong may kaugnayan sa droga, pinayagan ni Judge Gener […]