PDu30, pinuri si Duque at mga health workers dahil sa paggaling ng 1.8M Pinoy mula sa Covid-19
- Published on September 7, 2021
- by @peoplesbalita
PINURI ni Pangulong Rodrigo Roa Duterte si Health Secretary Francisco Duque III at ang mga health professionals dahil gumaling ang may 1.8 milyong Filipino na tinamaan ng coronavirus disease 2019 (Covid-19).
Sa kabila ng batid ng Pangulo na ang kabuuang kaso ng Covid-19 sa bansa ay pumalo na sa mahigit 2 milyon, ipinunto ng Pangulo na ang bilang ng mga taong gumaling mula sa coronavirus ay isang “very good” na indikasyon na pinagsumikapan talaga nina Duque at ng mga medical workers na matalo ang pandemiya.
“Now, the Philippines has breached the 2 million mark in Covid cases,” Duterte said in his prerecorded Talk to the People. “However, ang konswelo natin is that 1.8 million of these have recovered. So meron na lang 200 na wala,” anito.
Pinuri rin ni Pangulong Duterte ang Kalihim na sa kabila ng mga batikos na ipinupukol dito dahil sa usaping “mismanagement” ng Covid-19 pandemic response funds at panawagan na bumaba na ito sa puwesto ay nananatili si Sec. Duque sa pagtulong sa pamahalaan na labanan ang Covid-19.
“And that…number of Covid-19 recoveries is a very good reflection of what our health people are doing. And I would like also to commend Secretary Duque for that,” ayon sa Pangulo.
Sa ulat, may 16,621 bagong Covid-19 infections na naitala dahilan upang ang kabuuang tally nit ay pumalo na sa 2,020,484.
Tinatayang 1,840,294 coronavirus-infected individuals ang gumaling habang 33,680 naman ang namatay.
Hanggang sa ngayon ay mayroong 16,621 active Covid-19 cases sa bansa.
Sa gitna ng pagtaas ng Covid-19 infections, pinaalalahanan naman ni Pangulong Duterte ang publiko na magpabakuna dahil ito ang “best weapon” para protektahan ang sarili mula sa coronavirus.
Hinikayat din ng Pangulo ang first dose vaccinated filipino na hangga’t maaari ay kunin ang kanilang second dose ng bakuna.
“Alam mo, the vaccination really is what we can offer you to fight Covid-19. Walang iba . There’s no other defense against the microbe, For those who would need the second vaccination, kindly do it also in a hurry,” anito. (Daris Jose)
-
Public schools bilang isolation centers ikinakasa na
Unti-unti nang ginagawang mga isolation center ang mga pampublikong paaralan sa Metro Manila para sa mga pasyenteng may coronavirus disease 2019 o COVID-19, ayon sa Malakanyang. Ayon kay Presidential Spokesperson Harry Roque, hinihintay na lamang ng pamahalaan ang pagpapasa sa Bayanihan 2 dahil kabilang dito ang pagpapagawa ng mga paaralan. “We are now […]
-
“Person of interest’ sa pagpatay kay Percy Lapid slay, nakita sa CCTV footage — Abalos
UMAPELA si Department of the Interior and Local Government (DILG) Secretary Benjamin ‘Benhur’ Abalos Jr. sa publiko na magbigay ng impormasyon nang pagkakakilanlan ng ‘person of interest’ sa pagpaslang sa broadcaster na si Percival Mabasa, o mas kilala bilang Percy Lapid. Nahagip kasi ng closed-circuit television (CCTV) footage ang imahe ng nasabing mga […]
-
Parang sundalo raw talaga kung kumilos: COCO, puring-puri ni SMUGGLAZ dahil napaka-propesyunal
HALOS bumalik na nga ang normal na sitwasyon matapos magtuluy-tuloy na bumaba ang mga kaso ng COVID-19 sa buong mundo. Ano ang nararamdaman ni Smugglaz na buhay na buhay na muli ang industriya ng musika na isa sa tinamaan ng pandemya noong taong 2020? Aniya, “Sobra po akong nagpapasalamat, sobra akong grateful, […]