19 nawawala habang halos 80,000 apektado dahil sa bagyong Jolina — NDRRMC
- Published on September 10, 2021
- by @peoplesbalita
Libu-libo ang apektado habang halos 20 naman ang patuloy na nawawala bilang epekto ng Tropical Storm Jolina, na siyang papalabas na ng Philippine area of responsibility ngayong hapon o gabi.
Ito ang lumalabas sa datos ng National Disaster Risk Reduction and Management Council (NDRRMC) ngayong Huwebes ng umaga:
- Nawawala (15)
- Apektadong residente (79,062)
- Nasa evacuation centers (6,397)
- Na-displace pero wala sa evacuation center (1,470)
- Evacuation centers (90)
Sa mga nawawala, sinasabing 15 dito ang kumpirmado na habang apat pa ang patuloy na vina-validate ng NDRRMC.
Ilan na sa mga lugar na talagang naapektuhan ng naturang bagyo ay ang Central Luzon, Mimaropa, Bicol, Western Visayas at Eastern Visayas.
Wala pa namang naitatalang patay o sugatan dahil sa pagtawid ng bagyong Jolina sa kalupaan ng Pilipinas sa ngayon.
Pinsala ng bagyo
Sa ngayon, aabot na sa 193.79 milyong halaga ng pinsala na ang naitatamo ng Regions 5, 6, at 8:
- Bicol (P13.79 milyon)
- Western Visayas (P436,610)
- Eastern Visayas (P179.56 milyon)
Aabot naman sa 3,058 kabahayan ang napinsala ng tropical storm sa kasalukuyan:
- bahagyang nasira (2,900)
- wasak na wasak (158)
Dating nasa typhoon category ang bagyong “Jolina” bago ito humina sa ngayon. Sa kabila nito, patuloy namang nananala ang Typhoon Kiko sa loob ng PAR na posible pang maging super typhoon dahil sa lakas nito.
-
330 mga bagong kaso ng COVID-19, naitala sa PH -DOH
NAKAPAGTALA lamang ng 330 na kaso ng Coronavirus disease 2019 (COVID-19) ang Pilipinas kahapon. Dahil dito, umakyat na ang kabuuang bilang ng mga kaso sa 3,676,991. Sa data ng Department of Health (DoH) ang active case naman ay bumaba sa 42,835 mula sa dating 43,486 active cases. Pumalo naman […]
-
IATF, hinihintay ang desisyon ni PDu30 sa paggamit ng face shield – Roque
HANGGANG sa kasalukuyan ay hindi pa rin inaaprubahan ni Pangulong Rodrigo Roa Duterte ang desisyon ng Inter-Agency Task Force (IATF) for COVID-19 response ukol sa face shield requirement. “Meron na pong desisyon,” ayon kay Presidential Spokesperson Harry Roque. “Pero ito po ay for approval and possibly for announcement by the President himself,” dagdag […]
-
PBBM sa anti-poverty commission, alamin at kilalanin ang ‘problematic’ areas, makipag-ugnayan sa iba’t ibang ahensiya
KAAGAD na nagbigay ng kanyang marching order si Pangulong Ferdinand Marcos Jr. sa National Anti-Poverty Commission (NAPC) para alamin at kilalanin ang mga o identify ang “problematic” communities at makipag-ugnayan sa iba’t ibang ahensiya ng pamahalaan upang matugunan ang pangangailangan ng mga Filipino indigents. “‘Yung mga ibang lugar na talagang hindi makabangon dahil […]