BUNTIS, 2 ELECTRICIAN KULONG SA BARIL AT P170K SHABU SA CALOOCAN
- Published on September 24, 2021
- by @peoplesbalita
SHOOT sa kulungan ang tatlong hinihinalang drug pushers kabilang ang 18-anyos na buntis matapos makuhanan ng baril at halos P.2 milyon halaga ng shabu sa isinagawang buy-bust operation ng pulisya sa Caloocan City, kamakalawa ng gabi.
Kinilala ni Caloocan police chief Col. Samuel Mina Jr, ang naarestong mga suspek na sina John Patrick Chico, 20, electrician, Mark Anthony Asor, 21, electrician at Janelle Gozo, 18, pawang ng Brgy. 150, Bagong Barrio.
Ayon kay Col. Mina, nakatanggap ang mga operatiba ng Station Drug Enforcement Unit (SDEU) ng impormasyon mula sa isang regular confidential informant hinggil sa umano’y illegal drug activities ng mga suspek kaya’t isinailalim ang mga ito sa isang linggong validation at surveillance.
Nang makumpirma ang ulat, ikinasa ng mga operatiba ng SDEU sa pangunguna ni PMAJ Deo Cabildo, kasama ang Bagong Barrio Police Sub-Station 5 at 6th MFC RMFB-NCRPO ang buy-bust operation sa Moises St., Brgy. 150, Bagong Barrio dakong alas-9:30 ng gabi kung saan isang undercover police ang nagawang makipagtransaksyon sa mga suspek ng P7,500 halaga ng droga.
Nang tanggapin ng mga suspek ang marked money mula sa poseur-buyer kapalit ng isang medium transparent plastic sachet ng shabu ay agad silang inaresto ng mga operatiba.
Nasamsam sa mga suspek ang tinatayang nasa 25 grams ng hinihinalang shabu na may standard drug price P170,000, buy-bust money na isang tunay na P500 bill at 7 pirasong P1,000 boodle money, isang cal. 9mm pistol na kargado ng magazine at 3 bala.
Nahaharap ang mga naarestong suspek sa kasong paglabag sa RA 9165 at RA 10591. (Richard Mesa)
-
PDU30, hiniling sa PhilHealth na bayaran na ang bilyon pisong halaga ng utang sa ilang ospital
HINILING ni Pangulong Rodrigo Roa Duterte sa PhilHealth na bayaran na ang bilyong pisong halaga ng unpaid hospital claims sa lalong madaling panahon sa gitna ng COVID-19 pandemic. “Kinakailangan na pong bayaran iyang pagkakautang na ‘yan. Ang panawagan po ng Presidente kay [PhilHealth director Dante] Gierran ay dapat bayaran ‘yan sa lalong mabilis na […]
-
P8K wage subsidy sa MSMEs workers target ng gobyerno
Makakatanggap ng wage subsidy na P8,000 kada buwan ang mga manggagawa sa pribadong sektor na nasa micro, small and medium enterprises (MSMEs) bilang bahagi ng eight-point agenda ng pamahalaan para makabangon mula sa epekto ng COVID-19 pandemic. Sa isang job summit ng Task Group on Economic Recovery-National Employment Recovery Strategy (NERS) kamakalawa, sinabi […]
-
Devanadera, Pantone tigil na sa paghambalos
ISINABIT na Sina PLDT Home Fibr veterans Lizlee Ann ‘Tatan’ Gata-Pantone at Sasa Devanadera ang kanilang mga playing jersey bilang mga volleybelle. Kinumpirma ito nitong isang araw ng kanilang coach na si Rogelio ‘Roger’ Gorayeb at ng Power Hitters sa mga Facebook post. “Our #PowerHitters Tatan Gata-Pantone and Sasa Devanadera are now signing […]