Pagtataas ng PUV passenger capacity pinag-aaralan

Pinag-aaralan ng Department of Transportation (DOTr) ang gagawing malaking pagtataas ng porsiento para sa passenger capacity ng public utility vehicles (PUVs) dahil na rin sa pagkakaron ng maluwag na quarantine protocols na ngayon ay pinaiiral sa Metro Manila.

Sa kasalukuyan, ang passenger capacity ng mga PUVs ay may 50 na porsiento pa lamang. Kung kaya’t ang road sector ng DOTr ay magbibigay ng rekomendasyon sa Inter-Agency Task Force for the Management of Emerging Infectious Diseases (IATF) para sa pagtataas ng seating capacity ng mga PUVs.

“The extent of the increase is still being studied, but it would likely be substantial. The increase will be significant. What Secretary Tugade wants is that our proposal to the IATF will not only be based on the technical expertise, but also backed up by medical studies that the increase will be safe,” wika ni DOTr assec Mark Pastor.

Ayon pa sa DOTr na kanilang masusing pinag-aaralan at kumukuha sila ng mga kailangan datus upang magiging makatwiran ang inaasahang gagawin na pagtataas ng passenger capacity upang matulungan ang mga drivers at operators.

Ang instruksyon ni Tugade ay gawing progressive at compliant ang pagtataas sa mga umiiral na mga batas ng local government units kasama na ang IATF.

“Tugade’s instructions is for the increase in passenger capacity to be progressive and compliant with the mandates of the local government units and the IATF,” ayon sa DOTr.

Ang planong pagtataas ng passenger capacity ay gagawin dahil na rin sa ang mga bilang ng pamasahero ay dumarami na lalo na ngayon ang Metro Manila ay nasa ilalim na ng Alert Level 3 hanggang Oct. 31.

Kasama na rin sa rason ay upang matulungan ang mga drivers at operators na ngayon ay sumasabak sa pataas na pataas na preso ng krudo at gasolina.

“We are looking to increase the seating capacity in public transportation as an answer to growing expenses in the day-to-day operations of our operators and at the same time, this will also address calls of those in the business sector to spur economic activities and we could be contributing to that through the increase in our public transportation and the capacity thereof,” dagdag ni Pastor.

Sa ngayon, patuloy pa rin silang magsasagawa ng “random inspection” upang masiguro na ang mga PUVs ay sumusunod sa capacity limit habang ang DOTr ay pinaplantsa pa ang kanilang request sa IATF na magdagdag ng seating capacity.

Samantala, ang Land Transportation Franchising and Regulatory (LTFRB) naman ay nererepaso sa ngayon ang fare hike petition na inihain ng mga transport groups

“With the guidance of Secretary Tugade, we will balance the interest. We recognize and we feel the need of the drivers and operators, but at the same time, let’s look for solutions that would not affect the commuters. Moving forwards, we are looking for alternatives which are fuel-related for that matter. Fuel price solutions to cushion the impact of the increase in fuel prices,” saad ni LTFRB chairman Martin Delgra.

Sa katunayan, ang DOTr ay nagpadala ng isang liham sa Department of Energy (DOE) kung saan ang una ay humihingi ng tulong upang mabigyan ng malaking discount ang mga PUVs mula sa mga fuel stations. LASACMAR