Carlos Yulo nasungkit ang world championship gold medal sa vault
- Published on October 26, 2021
- by @peoplesbalita
Nasungkit ni Carlos Yulo ang kanyang kauna-unahang gintong medalya matapos na namayagpag sa men’s vault event sa 2021 FIG Artistic Gymnastics World Championships sa Kitakyushu City Gymnasium sa Japan ngayong araw.
Nagtapos ang 21-anyos ng average na 14.916 na pinalakas pa ng kanyang 15.033 score sa second vault matapos na makapagtala ng 14.800 sa kanyang unang attempt.
Ang pambato ng Japan na si Yonekura Hidenobu ang nakakuha ng silver medal sa score na 14.866 habang bronze naman ang nasungkit ng pambato ng Israel na su Andrey Medvedev na may score na 14.649.
Inaasahang bibigyan si Yulo ng cash incentives ng Philippine Sports Commission (PSC) dahil sa kanyang nakamit na karangalan para sa bansa.
Ito ang ikalawang world title ni Yulo matapos magkampeon sa floor exercise ng 2019 edition sa Stuttgart, Germany kung saan niya nakuha ang tiket para sa Tokyo Olympics.
Si Yulo ang ikaapat na atletang nagbigay ng karangalan sa bansa ngayong taon matapos sina Tokyo Olympics weightlifting gold medalist Hidilyn Diaz, U.S. Women’s Open golf champion Yuka Saso at US Open billiards king Carlos Biado.
Hindi naman siya pinalad sa finals ng parallel bars nang makuntento sa silver medal sa kanyang total score na 15.300 mula sa 8.900 sa execution at 6.400 sa difficulty.
Ang gold ay ibinulsa ni Chinese Hu Xuwie (15.466) habang ang kanyang kababayang si Shi Cong (15.066) ang sumikwat sa bronze.
-
Awardee na si Piolo, matuloy pa kayang host?: Postponed muna ang ‘The 6th EDDYS’, ililipat ng petsa at venue
IPINAAALAM ng Society of Philippine Entertainment Editors (SPEEd) na ang nakatakdang The 6th EDDYS o Entertainment Editors’ Choice sa darating na Oktubre 22 ay hindi muna matutuloy. Nagdesisyon ang mga opisyal at miyembro ng SPEEd na i-postpone ang pagsasagawa ng ika-anim na edisyon ng The EDDYS na gaganapin sana sa EVM Convention Center sa Quezon […]
-
“Magkaisa po tayo at huwag tumigil sa pagsisikap. Gawin natin ang nararapat isagawa upang pagyamanin ang mga pamanang naiwan ni Gat Marcelo H. del Pilar” – Fernando
LUNGSOD NG MALOLOS – “Magkaisa po tayo at huwag tumigil sa pagsisikap. Gawin natin ang nararapat isagawa upang pagyamanin ang mga pamanang naiwan ni Gat Marcelo H. del Pilar upang magsilbi itong tanglaw at gabay ng mga susunod pang henerasyon.” Ito ang tinuran ni Gob. Daniel R. Fernando sa mga dumalo sa Paggunita […]
-
Labis ang pasasalamat sa daughter-in-law: SYLVIA, taga-picture at taga-video ng happy moments nina ARJO at MAINE
MINSAN pa ay nag-express ng labis na pasasalamat si Sylvia Sanchez sa kanyang daugther-in-law na si Maine Mendoza, asawa ng kanyang anak na si Cong. Arjo Atayde, dahil sa simula pa lang ay magkasundo na sila. Sa IG account ng premyadong aktres, pinost ang photos at videos na kuha sa kanilang recent trip sa […]