Miss Universe-PH Beatrice, bigla namang nasangkot sa isang love triangle at baka matulad kay RABIYA

SANGKOT sa isang love triangle ang kinoronahang Miss Universe Philippines 2021 na si Beatrice Luigi Gomez.

Ayon sa isang post ng isang netizen na nagngangalang “Johnny Batumbakal”, may ka-affair diumano si Gomez sa isang lalake na ang pangalan ay John Odin at kinakaliwa raw nito ang kanyang girlfriend of seven years na si Kate Jagdon.

Sa Facebook account ng Iloilo Metropolitan Times, ito ang naka-post:

“MISS UNIVERSE THIRD PARTY?

“A certain Johnny Batumbakal posted some photos and screenshots on social media, claiming the alleged third party issue involving Miss Universe Philippines 2021 Beatrice Luigi Gomez. #IMTNEWS”

Nag-post daw si Beatrice sa kanyang Instagram na may ka-holding hands siya. Obvious daw na hindi kamay ni Kate iyon dahil kamay ng lalake at may tattoo pa. Pero bigla na raw itong na-delete na.

Sey ng ilang netizen na baka tumalab na raw ang sumpa ng MUP crown sa lovelife ng winner nito. Kung matatandaan, noong manalo si Rabiya Mateo last year, proud ito sa kanyang boyfriend na si Neil Salvacion. Pero pagkaraan ng ilang buwan ay bigla silang naghiwalay.

Noong sumali sa MUP si Beatrice, naging public ang relasyon nila ni Kate. Ikinatuwa ito ng LGBT community dahil hindi tinago ni Beatrice ang kanyang relasyon sa kapwa babae.

Ang tanong ngayon ay kung may relasyon pa ba sina Beatrice at Kate? O baka lalake na ang bagong karelasyon ni Beatrice?

***

HINDI napigilan ni Aiko Melendez na maging emotional pagkatapos ng kanyang taping para sa Prima Donnas Season 2.

Sa video clip sa naging farewell ceremony ng cast at crew, naging madamdamin ang mga mensahe ng actress-director na si Gina Alajar para kay Aiko.

“We are so happy na magaang kang kasama. We are so happy dahil nakasundo mo ang lahat pati mga bata. We are so happy, when you’re on the set, you’re so magaan.

“When you’re on the set, wala kang reklamo. Truly, totoo ‘yan. Madali kang pakiusapan, madali kang namang sabihan na, ‘One more shot, one more shot’ and you’re willing to do that.

“Hanggang matapos ang ‘Prima Donnas,’ ikaw ay palagi naming kasama in spirit. And your memories will remain with us, and we hope to see you soon, we hope to work with you again,” sey ni Direk Gina.

Naiyak naman si Aiko habang pinapakinggan ang mga mensahe para sa kaniya.

“First of all, I’d like to thank everyone from the cast down to the crew, and the director who I’ll miss so much. Because Direk Gina you were there for me, became my mother here, especially when my father died, ,” sey ni Aiko.

Pumanaw ang stepfather ni Aiko na si Dan Castaneda nitong nakaraang Pebrero dahil sa komplikasyon ng COVID-19.

(RUEL J. MENDOZA)