Comelec umaasang mailagay ang PH sa Alert Level 1 bago pa man ang May 9, 2022 elections
- Published on November 12, 2021
- by @peoplesbalita
Umaasa ang Commission on Elections (Comelec) na maibaba na sa Alert Level 1 ang quarantine restrictions sa bansa bago pa man ang May 9, 2022 national at local elections.
Sa pagdinig ng House committee on suffrage and electoral reforms, sinabi ni Comelec Commissioner Marlon Casquejo na mahirap isagawa ang 2022 polls sa gitna ng COVID-19 pandemic.
Ito ay kahit pa ibaba na aniya sa 800 ang bilang ng botante sa bawat voting precincts bilang hakbang upang sa gayon ay maiwasan ang pagdagsa ng maraming tao salig na rin sa minimum health protocols na itinakda ng pamahalaan.
Sinabi ito ni Casquejo kasunod na rin ng isinagawang voting simulation ng Comelec noong nakaraang buwan.
Sa naturang simulation, natukoy na humaba ang oras na kailangan igugol ng isang indibidwal para sa buong proseso ng pagboto.
Ito ay dahil na rin sa mga inilatag na minimum health protocols na kailangan pagdaanan ng isang botante bago pa man ito tuluyang makaboto hanggang sa paglabas nito sa kanyang voting precint. (Daris Jose)
-
Pinas nakapagtatala ng 55 kaso ng HIV kada araw-Sec Herbosa
TUMAAS ang bilang mga bagong kaso ng human immunodeficiency virus (HIV) sa Pilipinas. Sa katunayan, nakapagtatala ang departamento ng 55 bagong kaso ng HIV kada araw. ”We have about 59,000 people living with HIV… That’s still low for a country with 110 million. But ang ating mataas is new cases, 55 […]
-
LAKERS, ISUSUOT ANG ‘BLACK MAMBA’ JERSEY SA GAME 5 NG NBA FINALS
SUSUOTIN ng Los Angeles Lakers ang kanilang “Black Mamba” uniform, na dinisenyo bilang pagpupugay sa namayapang si Kobe Bryant, sa darating na Game 5 ng NBA Finals. Ayon sa mga impormante, maliban noong Game 2 ay sa Game 7 pa raw sana nila susuotin ang black alternative uniform. Pero sa Sabado kasi ay […]
-
1st batch sana ng COVID-19 vaccines, maaantala ang pagdating sa bansa – Dizon
Inianunsyo ng National Task Force na maaantala umano ang pagdating ng unang batch ng COVID-19 vaccines mula sa Pfizer at AstraZeneca. Inaasahang ngayong linggo sana darating ang 117,000 doses ng bakuna at magagamit na Pebrero 15. Sinabi ni National Task Force deputy chief implementer Vince Dizon, nagkaroon ng delay sa pagproseso […]