BBM-SARA UNITEAM, SUPORTADO NG MGA NEGOSYANTE SA CEBU!
- Published on November 30, 2021
- by @peoplesbalita
MAHIGIT 50 negosyante sa Cebu ang pormal na nagpahayag ng suporta sa pagsusulong ng BBM-SARA Uniteam sa isang simpleng seremonya sa Mandaue City, Biyernes ng umaga.
Ang mga negosyante, karamihan ay mula sa small and medium entrepreneurs (SMEs) na naapektuhan at pilit bumabangon sa gitna ng pandemya, ay bumuo ng samahan na tinawag nilang Businessmen ng Bayan Movement of the Philippines (BBM).
Ani Benjie Hortelano, presidente ng BBM, malaki ang kanilang paniniwala na muling sisigla ang ekonomiya sa ilalim ng Marcos administration.
“BBM is rooting for the BBM-SARA Uniteam,” anang grupo na nagsabing sa mga susunod na araw ay aabutin nang mahigit pa sa 1,000 ang kanilang miyembro.
Kaagad nagpasalamat si Presidential aspirant Ferdinand ‘Bongbong’ Marcos, Jr., sa kanyang mga supporters at sinabing ang nakalipas na ‘unity ride caravan’ na inilunsad noong nagdaang Linggo ay nagpapakita kung ganong nagsama-sama ang lahat sa kahandaan upang ipanalo ang kanyang liderato.
“The caravan was not only a display of support for my candidacy but it was also symbolic because it fosters unity,” pahayag ni Marcos.
Kinilala ng standard bearer ng Partido Federal ng Pilipinas (PFP) ang pagkilos ng business sector sa kanyang kandidatura na alam niyang labis ding naapektuhan ng pananalanta ng pandemya.
“I cannot repay you for all your sacrifices by merely expressing my gratitude. Let us continue what we started positively towards unity to enable us to overcome the crisis that we are facing,” ani Marcos.
Kahanga-hanga aniya ang ipinapakitang katatagan ng mga negosyante sa Cebu dahil nakatayo pa rin ang mga ito kahit na may pandaigdigang problema sa kalusugan.
“Ipagpatuloy natin ang pagkalat ng mensahe natin ng pagkakaisa para tayo’y makaraos dito sa krisis na ito kaya kami ni Inday Sara ay patuloy na nagpapasalamat sa inyo sa inyong pinakitang suporta, sa inyong pag-organisa ng mga movement na ganito at ipagpatuloy natin ito,” ani Marcos.
“Hindi tayo mapapagod. Walang iwanan, walang laglagan. Hindi tayo magkakahiwalay (dahil) magiging matagumpay tayo sa darating na halalan…. sa darating na Mayo,” pahabol pa ni Marcos.
-
Kalayaan College sa QC nagsara na rin dahil sa kalugian dala ng pandemya
NAG-ANUNSIYO kahapon ang Kalayaan College na nasa Quezon City upang ipaalam ang tuluyan na rin nilang pagsasara. Sa abiso ng naturang kolehiyo ipinaabot nila ang kadahilanan ng pagtigil na ng operasyon ay bunsod ng patuloy umanong kalugian na pinatindi pa ng pandemya. Ang naturang kolehiyo ay una na ring itinatag noong […]
-
Valdez injury will not require surgery
Nakatanggap ng malaking ginhawa ang Creamline isang araw matapos masungkit ang 2022 Premier Volleyball League Reinforced Conference bronze medal dahil hindi na mangangailangan ng operasyon ang injury ni Alyssa Valdez, inihayag ng team sa mga social media account nito noong Miyerkules. Nasugatan ni Valdez ang kanyang kanang tuhod sa ikatlong set ng bronze-clinching […]
-
2 bebot arestado sa shabu sa Caloocan at Navotas
Bagsak sa kulungan ang dalawang babae, kabilang ang katulong ng District Drug Enforcement Unit (DDEU) matapos makuhanan ng shabu sa magkahiwalay na lugar sa Caloocan at Navotas cities. Kinilala ni DDEU chief P/Major Ramon Aquiatan Jr. ang suspek na si Jeremiah Dimia, 33 ng 122 Guido 2 St. Maypajo Brgy. 33, Caloocan city. […]