Bong Go, atras sa presidential bid sa Eleksyon 2022
- Published on December 3, 2021
- by @peoplesbalita
INANUNSYO ni Senador Bong Go ang kanyang pag-atras na tumakbo sa pagka-pangulo sa Eleksyon 2022.
Ang desisyon ni Go na bawiin ang kanyang kandidatura ay matapos ang isang linggong pag-amin na nananatili siyang naghihintay ng “sign from God” kung itutuloy pa ba niya ang kanyang presidential bid o hindi na.
Sa isang panayam sa San Juan City, ipinaliwanag ni Go na hindi pabor ang kanyang pamilya na tumakbo siya sa pagka-pangulo.
Bukod pa sa ayaw niyang ilagay sa mahirap na sitwasyon si Pangulong Rodrigo Roa Duterte na aniya’y higit pa sa isang ama ang pagmamahal niya rito.
“Ayoko rin pong lalong maipit si Pangulong Duterte. Higit pa po sa tatay ang pagmamahal ko sa kanya,” ani Go.
Muling inulit naman ni Go ang kanyang kahandaan na maging “supreme sacrifice for the good of our country and for the sake of unity”.
“In the past few days, I realized that my heart and my mind are contradicting my actions. Talagang nagre-resist po ang aking katawan, puso at isipan. Tao lang po ako, nasasaktan at napapagod din,” ayon kay Go.
“Sa ngayon po, ‘yun ang mga rason ko. That is why I am withdrawing from the race,” dagdag na pahayag ni Go.
Kaya ang pakiusap naman ni Go sa mga presidential aspirants ay iprayoridad ang kapakanan ng bansa at interest ng mga mamamayang Filipino.
Matatandaang bago pa nahalal na senador si Go noong 2019, nagsilbi siya bilang Go special assistant ni Pangulong Duterte.
Samantala, sa Viber message, sinabi ni Commission on Elections spokesperson James Jimenez na hindi maaaring tanggapin ng law department ng Comelec ang anumang paghahain noong araw ng Martes dahil holiday, dahil ipinagdiriwang ang 158th birth anniversary ni Gat. Andres Bonifacio.
Hindi na rin aniya masa-substitute si Go dahil ang kanyang kaso ay voluntary withdrawal.
Ang period ng substitution for candidates sa 2022 elections o boluntaryong iwi- withdraw ang kanilang kandidatura ay nagtapos na noong Nobyembre 15.
“To formalize any candidates’ withdrawal,they need to personally appear before the Comelec,” ayon kay Jimenez. (Daris Jose)
-
Pangulong Duterte, nakiisa sa pagdiriwang ng mga Bulakenyo ng ika-123 Araw ng Kalayaan
LUNGSOD NG MALOLOS– Nakiisa si Pangulong Rodrigo Roa Duterte sa pagdiriwang ng ika-123 Taong Anibersaryo ng Araw ng Kalayaan ng Pilipinas sa Bulacan habang personal at postyumong iginawad ang Orden ng Lapu-Lapu, Ranggong Magalong kina Hen. Gregorio S. del Pilar at Marcelo H. del Pilar sa Harap ng Gusali ng Kapitolyo sa lungsod na ito […]
-
Pinas, dapat palakasin ang local medicine production-PBBM
KUMBINSIDO si Pangulong Ferdinand Marcos Jr. na ang ipinatupad na lockdowns bunsod ng COVID-19 pandemic ay dapat na nag-udyok sa Pilipinas para palakasin ang produksyon ng local medicines upang magkaroon ng sapat na stockpile sa panahon ng emergency. “Let’s maximize the local production. The initial reason why this came up is the supply […]
-
High-class male prosti ang papel sa ‘Lovers/Liars’: KIMSON, maraming beses nang naligawan ng bading pero walang pinatulan
SA panahon ngayon, lalo sa showbiz, na very much accepted ang mga members ng LGBTQ+ community, isa sa mga out and proud na lesbian, tulad rin nina Michelle Marquez Dee at Klea Pineda, si Rikki Mae Davao na anak nina Ricky Davao at Jackielou Blanco. Nasa high school si Rikki Mae noong nag-out siya […]