Chicago sinapawan ang Brooklyn
- Published on December 8, 2021
- by @peoplesbalita
Humugot si DeMar DeRozan ng 13 sa kanyang 29 points sa fourth quarter para tulungan ang Chicago Bulls na talunin ang Brooklyn Nets, 111-107, sa banggaan ng top teams sa Eastern Conference.
Binuksan ng Bulls (16-8) ang fourth period ng13-4 atake at iniwanan ang Nets (16-7) sa 92-86 mula sa short jumper ni DeRozan sa huling pitong minuto ng laro.
Hawak pa rin ng Brooklyn ang No. 1 spot sa East kasunod ang Chicago na sumasakay sa three-game winning streak.
Kumamada si Zach LaVine ng 31 markers para sa Bulls, habang may tig-11 points sina Nikola Vucevic at Ayo Dosunmu.
Binanderahan ni Kevin Durant ang Nets sa kanyang 28 points kasunod ang 20 markers ni LaMarcus Aldridge at kumolekta si James Harden ng 14 points at 14 assists.
Sa San Francisco, umiskor si Derrick White ng 25 points para igiya ang San Antonio Spurs (8-13) sa 112-107 panalo sa Golden State Warriors (19-4).
Pinamunuan ni Stephen Curry ang Warriors, nakatablang muli ang Phoenix Suns sa top spot sa NBA at sa West, sa kanyang 27 points.
Sa Milwaukee, nagsalpak si Pat Connaughton ng pitong triples para sa kanyang 23 points sa 124-102 paggiba ng nagdedepensang Bucks (15-9) sa Miami Heat (14-10).
Ginawa ito ng Milwaukee kahit hindi naglaro si Giannis Antetokounmpo na may right calf injury.
Sa Sacramento, humataw si Terrence Davis ng 23 sa kanyang 28 points sa second half sa 104-99 pagdaig ng Kings (10-14) sa Los Angeles Clippers (12-12).
-
LTFRB nagsimula nang mamahagi ng fuel subsidy sa mga tricycle drivers
NAGSIMULA nang mamahagi ang Land Transportation Franchising and Regulatory Board (LTFRB) ng fuel subsidies sa mga tricycle drivers mula sa Metro Manila, Central Luzon at Ilocos Region. Bawat isang kwalipikadong tricycle driver ay makakatanggap ng P1,000 na fuel subsidy mula sa LTFRB. Ang pondo ay mula sa binigay ng Land Bank of […]
-
LUNGSOD NG ANTIPOLO, UNANG LGU SA LABAS NG NCR NA NAGLUNSAD NG COVID-19 VACCINATION
Inilunsad ng Pamahalaang Lungsod ng Antipolo ang programa nito sa pagbabakuna laban sa COVID-19 kasabay ng seremonya ng pagbabakuna ng DOH para sa roll-out ng COVID-19 vaccine sa lalawigan nitong Marso 4, 2021 na ginanap sa Antipolo City Hospital System-Annex 4. Tumanggap ng 300 doses ng CoronaVac vaccine ang Antipolo – ang unang vaccine na […]
-
Halagang P1-Trillion, pinag-aaralang kontribusyon ng BOC para sa gobyerno
PINAG-AARALAN ng Bureau of Customs (BOC) ang kontribusyon ng hanggang P1 trilyon sa kaban ng gobyerno ngayong taon. Sinabi ni BOC spokesperson Vincent Maronilla na ang mga posibleng karagdagang kita ay magmumula sa mga buwis na kokolektahin hanggang sa katapusan ng taong kasalukuyan. Aniya, ito ay magpopondo sa maraming programa ng […]