Naka-create ng memories na puwedeng balik-balikan: MARIAN, labis ang pasasalamat kay DINGDONG na naging cheerleader at waterboy

BAGO tuluyang umalis ang Kapuso royal couple na sina Dingdong Dantes at Marian Rivera sa Eilat, Israel, na pinagganapan ng 70^th Miss Universe pageant, nag-post muna siya sa Instagram ng pasasalamat sa kanyang asawa.

Capption ni Marian, “Before this trip ends I’d like to thank the best husband I could ask for – from being my cheerleader to waterboy, thank you for everything that you do for us.  Thanks for creating memories with me so that we can look back at them together! Love you!”

Nagpasalamat din si Marian sa mga naging friends niya roon sa loob ng ilang days stay nila sa Israel, at sa mga nabuo niyang memories doon.  “Hope to be back someday.”

Hindi rin nalimutang pasalamatan ni Marian si Ms. Paula Shugart, ang new president of the Miss Universe Organization na pumili sa kanya at mapasama all female judges, “it was great meeting you @realpaulashugart.  Learned so much from you, thanks for sharing your wisdom with us – that the most important thing is staying authentic and that true beauty is how you carry yourself.”

Back to work na sina Dingdong at Marian at may bagong post na si Marian: “For our little ones, mahalaga na may kasama silang extra care sa paglaki at pag-explore.  Abangan ninyo ang exciting news namin ni Dong for all of you guys!” 

Ano kayang new TV commercial ito na mukhang kasama rin ang mga anak nilang sina Zia at Sixto?

***

HAPPY ang mga fans ng bagong love team na sina new Kapuso actress Beauty Gonzalez at Kapuso leading man Kelvin Miranda dahil after na una silang mapanood bilang magka-love team sa first mini-series nilang Stories From the Heart: Loving Miss Bridgette, dahil sa clamor nilang ibalik ang team-up, muli silang pagtatambalan sa isang project, this time, isang movie naman ang gagawin nila.

May nabuo na kasi silang fanbase called KelTy for Kelvin and Beauty at napansin na talaga ang kanilang undeniable chemistry.

Katatapos lamang ni Beauty ng lock-in taping niya ng new series with Dingdong Dantes, at ngayon ay confirmed nang muli nga silang magtatambal ni Kelvin sa movie nilang After All, na ididirek ni Adolfo Borinaga, Jr.

Excited din naman sina Beauty at Kelvin sa bago nilang project at ang kanila namang fans ay nagpakita ng suporta sa pamamagitan ng kanilang social media platforms.

***

MATAGAL-TAGAL na ring pinag-uusapan ang issue kung preggy ba o hindi si Kapuso actress Winwyn Marquez.

May non-showbiz boyfriend si Winwyn, pero nanatili siyang tahimik, although hindi siya umaamin o tumatanggi sa issue.  Hindi niya sinagot ang tanong sa kanya during her interview sa kanya kaugnay ng movie niyang Nelia, na isa sa Magic 8 movies na kasali sa coming Metro Manila Film Festival na magsisimula sa Christmas day.

Inamin ni Winwyn na hindi niya in-expect na mapipili ang kanilang movie, kaya nagulat daw siya nang i-announce ito via livestream.

     “Napasigaw ako, nagulat, super-excited, dahil sinu-shoot namin ito na pandemic na, pero ibinigay ko ang best ko doing this film,” kuwento ni Winwyn.

“Kaya nang mapili kami, sabi ko, worth it naman pala lahat ng sacrifices na ginawa naming shooting this movie.”

Dagdag pa ni Winwyn, kung meron man siyang aaminin, sa kanya iyon manggagaling, kaya malalaman din daw ng media kung preggy nga ba siya o hindi, sa pagharap niya at ng cast ng movie sa grand presscon nila ngayong Saturday, December 18.

(NORA V. CALDERON)