11 DRUG PERSONALITIES TIKLO SA BUY BUST SA MALABON, NAVOTAS
- Published on January 13, 2022
- by @peoplesbalita
ARESTADO ang sampung hinihinalang drug personalites, kabilang ang dalawang babae matapos makuhanan ng mahigit P.4 milyon halaga ng droga sa magkahiwalay na buy bust operation sa Malabon at Navotas Cities.
Ayon kay Malabon police chief Col. Albert Barot, dakong alas-11:45 ng gabi nang magsagawa ang mga operatiba ng Station Drug Enforcement Unit (SDEU) ng buy bust operation sa Panghulo Road, Brgy. Panghulo na nagresulta sa pagkakaaresto kay Christopher Villagracia, 34, (pusher/newly indentified) at Ronald Piloneo, 34, (user/listed).
Nakumpiska sa mga suspek ang tinatayang nasa 27 grams ng hinihinalang shabu na may standard drug price P183,600 at P500 marked money.
Alas-11:10 naman ng gabi nang madakma din ng kabilang ng SDEU sina Mark Jaspher Aquino, 25, Sherwin Fuentes, 27 at Daysun Algunajota, 39, (pusher/listed) sa buy bust operation sa Dr. Lascano Brgy. Tugatog.
Narekober sa kanila ang tinatayang nasa 4 grams ng hinihinalang shabu na may standard drug price P27,200 at marked money.
Habang umaabot naman sa 7 grams ng hinihinalang shabu na may standard drug price P47,600.00 ang nakuha kay Roldan Jakosalem alyas “Jay-R”, 21, (pusher/listed), 21 at Leo Sabordo, 47 matapos bintahan ng P500 halaga ng shabu ang isang police poseur-buyer sa buy bust operation sa Borromeo St. Brgy. Longos dakong alas-11 ng umaga.
Sa Navotas, dakong alas-9:30 ng gabi nang masakote naman ng mga operatiba SDEU ng Navotas police sa ilalim ng pamumuno ni P/Col. Dexter Ollaging sa buy bust operation sa Champaca St., Brgy. San Roque sina Angienete Flores alyas “Angie”, 27, at April Dela Cruz, 36, kapwa (listed/pusher).
Nakuha sa kanila ang tinatayang nasa 16 grams ng hinihinalang shabu na may standard drug price P108,800, buy bust money at coin purse.
Timbog din ng kabilang team ng SDEU sina si Jose Dela Cruz Jr., 37, at Ruben Ibañez, 56, matapos bentahan ng P500 halaga ng shabu ang isang police poseur- buyer sa buy bust operation sa Judge A Roldan St., Brgy., San Roque alas-11 ng gabi .
Nasamsam sa kanila ang tinatayang nasa 11.2 grams ng hinihinalang shabu na may standard drug price P76,160.00 at marked money. (Richard Mesa)
-
Balik sa pagsasayaw sa Tiktok at Instagram: GARDO, mabilis ang recovery mula sa kanyang operasyon
MARAMING netizens ang natuwa sa mabilis na recovery ni Gardo Versoza mula sa kanyang operasyon after niyang maka-experience ng heart attack noong nakaraang buwan. Sa kanyang Tiktok at Instagram, balik sa pagsasayaw si Gardo at game dun ang mga doktor at staff ng ospital na sumabay sa dance moves ng aktor. […]
-
Poland naalarma sa missile attack ng Russia sa border, NATO member countries inalerto
NANINIWALA ang deputy foreign minister ng Poland na si Marcin Przydacz, na ang missile attack ng Russia malapit sa kanilang border ay bahagi ng banta sa North Atlantic Treaty Organization (NATO). Una nang napaulat na 35 katao ang patay sa naturang missile strike sa Yavoriv training base, may 20 kilometro lamang ang layo […]
-
Bianca, Ardina, Guce babawi sa Marathon
Walang ibang nasa utak sina Bianca Pagdanganan, Dottie Ardina at Clariss Guce kundi makaresbak sa US$1.7M Marathon Classic sa Agosto 6-9 sa Highland Meadows Golf Club sa Sylvania, Ohio. Buhat ang tatlong Pinay professional golfer – Pagdanganan sa 12-way tie sa 28th place na may $6,862 (P337,000) cash prize, Guce sa 3-way tie sa […]