DI-KWALIPIKADO NA KANDIDATO, MAAARING MAPALITAN BAGO HALALAN
- Published on January 21, 2022
- by @peoplesbalita
MAAARI umanong palitan ang isang kandidato na madidiskwalipika bago ang halalan.
Ito ang paglilinaw Comelec Senior Commissioner Rowena Guanzon, kaugnay sa ginawang pagbasura ng Comelec Second Division ang petisyon na kanselahin ang certificate of candidacy (COC) ni presidential aspirant Ferdinand “Bongbong” Marcos Jr. para sa Eleksyon 2022 dahil sa kawalan ng merito.
Sinabi ni Guanzon sa Facebook live na yung petitioner ayon sa Second Division resolution ay nagkamali sila dahil isa lamang dapat ‘yung ground sa cancellation, na si Marcos ay gumawa ng maling representasyon sa COC kung kaya dapat ikansela ang kanyang COC.
Isa lamang ang nabasurang petisyon sa mga inihain laban sa kandidatura ni Marcos .
Mayroon pang nakabinbing disqualification case laban kay Marcos sa Comelec First Division, kung saan miyembro si Guanzon, kasama sina Commissioners Marlon Casquejo at Aimee Ferolino-Ampoloquio.
Nilinaw ni Guanzon, na ang cancellation case ay iba sa disqualification case.
Ayon kay Guanzon, sa disqualification case, ang nadiskuwalipikang kandidato ay maaari umanong palitan pero kailangan ay kapartido o kaapelyido.
“Anong resulta kapag nakansela ang COC? Ibig sabihin sa simula pa lang dapat invalid or void ang kanyang COC, ibig sabihin parang wala siyang na-file na COC. Ang ibig sabihin po ng cancellation ang resulta po niyan hindi po siya puwedeng makapag-substitute,” paliwanag ni Guanzon.
“Ano po ang kaibahan niyan sa doon po sa disqualification na hawak namin? Ang resulta po ‘pag siya ay na-disqualified ay puwede siyang mag-substitute basta kapartido niya at magkapareho ng apelyido. Hindi po kailangang magkamag-anak sila basta magkaapilyedo po sila at pareho sila ng political party,” sabi pa nito .
Ang pagpapalit din aniya ng nadiskuwalipikang kandidato ay maaring gawin “before noon of Election Day.”
Dagdag pa nito, maaring iapela sa Comelec En Banc at Korte Suprema ang desisyon ng Comelec Division .
Aniya ang SC ang siyang may huling desisyon sa tinatalakay na petisyon.
“Puwede pa pong umapela ang mga natalo sa aming Commission En Banc. Mula po sa Commission En Banc ang partido na hindi sang-ayon sa aming desisyon ay maaring umakyat po sa Korte Suprema doon po talaga ang final na desisyon sa mga issue na ito,” pahayag pa ni Guanzon. (GENE ADSUARA)
-
League of Provinces umaapela sa IATF na iurong sa Nov. 1 ang pagsisimula ng Alert Level System
Kung ang League of Provinces of the Philippines ang tatanungin, mas gusto nilang ilipat sa Nobyembre 1 ang expansion ng Alert Level System sa labas ng Metro Manila. – Ayon sa kanilang presidente na si Marinduque Governor Presbitero Velasco Jr. kailangan pa ng mga local governments ng sapat na panahon para bumalangkas ng executive orders, […]
-
2 most wanted sa rape at murder, timbog sa Caloocan at Valenzuela
INANUNSYO ni Northern Police District (NPD) Acting Director P/Col. Ponce Rogelio Peñones Jr ang pagkakaaresto sa dalawang most wanted persons sa magkahiwalay na manhunt operation ng pulisya sa Caloocan at Valenzuela Cities. Ayon kay Col. Peñones, alinsunod sa kampanya ng PNP kontra wanted persons, nagsagawa ang mga operatiba ng Warrant and Subpoena Section […]
-
2 binata timbog sa 3 kilong marijuana sa Caloocan
Dalawang hinihinalang drug pushers ang arestado matapos makuhanan ng higit sa P.3 milyon halaga ng pinatuyong dahon ng marijuana sa isinagawang buy bust operation ng pulisya sa Caloocan city, kamakalawa ng gabi. Kinilala ang mga naarestong suspek na si Jerich Frane Hernadez, 19, at Lloyd Paloyo, 21, kapwa ng Brgy. Buting, Pasig City. […]