No. 6 top most wanted person ng Zamboanga City, nalambat ng NPD sa Pasay
- Published on January 25, 2022
- by @peoplesbalita
NATIMBOG ng mga operatiba ng District Special Operation Unit ng Northern Police District (DSOU-NPD) sa isinagawang manhunt operation kamakalawa ng gabi sa Pasay City ang No. 6 top most wanted person ng Zamboanga City dahil sa kasong Rape.
Ayon kay DSOU chief PLt. Col. Jay Dimaandal, ang pagkakaaresto kay Crisostomo Amotan, 37, warehouse man at stay-in sa Block 45, Ortigas St., Baclaran Pasay City ay resulta ng Intelligence research and intensified manhunt operation kontra sa mga wanted person.
Ani police investigator PMSg Julius Mabasa, nakatanggap ang DSOU ng impormasyon na nakita ang akusado sa naturang lugar kung saan siya nagtatrabaho bilang warehouse man kaya agad nag-dispatch ng mga tauhan ang DSOU upang alamin ang ulat.
Nang positibo ang ulat, bumuo ng team ang mga operatiba ng DSOU sa pangunguna ni P/Capt. Melito Pabon saka isinagawa ang operation, kasama ang NDIT- RIU NCR, 4th MFC RMFB, Sindangan Municipal Police Station Zamboanga City, at Pasay City Police na nagresulta sa pagkakaaresto kay Amotan dakong 6 ng gabi sa Block 45 Ortigas St., Baclaran, Pasay City.
Si Amotan ay inaresto sa bisa ng warrant of arrest na inisyu ni Hon. Jose Rene Dondoyano, Presiding Judge ng RTC Branch 11 Sindangan Zamboanga Del Norte dahil sa kasong Rape na may petsang July 14, 2020 at walang i-nirekomendang piyansa.
Ang matagumpay na pagkakaaresto sa akusado ay sa pamamagitan ng patnubay at matatag na pamumuno ni NDP Director PBGEN Jose Santiago Hidalgo Jr, para maalis ang lahat ng uri ng lawlessness, illegal activities ng criminal gang at paigtingin ang manhunt kontra sa mga most wanted person. (Richard Mesa)
-
Kalye sa Navotas isinailalim sa 2-linggong lockdown
Isinailalim sa dalawang linggong lockdown ang Block 31, Lot 36, Brgy. NBBS, Dagat-dagatan sa Navotas City mula 5 December, 5:01am, hanggang 19 December, 11:59pm alinsunod sa Executive Order No. TMT-056, series of 2020. Ayon kay Mayor Toby Tiangco, sa isinagawang contact tracing at house-to-house survey, napag-alaman nila na may apat na nagpositibo sa COVID-19 […]
-
Pagdeklarang Nat’l Shrine sa Quiapo Church ikinatuwa ng Manila LGU
IPINAHAYAG ni Manila Mayor Honey Lacuna-Pangan na ang pagdeklara sa Quiapo Church bilang National Shrine of Jesus Nazareno ay magiging malaking tulong sa matinding debosyon ng mga Katolikong Pilipino partikular na sa mga Manilenyo. Ayon kay Lacuna-Pangan, ang Quiapo Church o Minor Basilica at National Shrine of Jesus Nazareno ay matagal nang iginagalang bilang dambana […]
-
Kapuso breakout star na si CLAIRE, bagong ‘Pantasya ng Bayan’ matapos magpasilip ng alindog sa serye
ANG Kapuso breakout star na si Claire Castro ang bagong Pantasya ng Bayan. Pagkatapos na magsilip ng kanyang alindog si Claire sa kanyang eksena with Rayver Cruz sa teleserye na Nagbabagang Luha, tinawag na siya ng netizens na bagong Pantasya ng Bayan. Sey ni Claire sa binibigay na titulo sa kanya: “I’m not sure what ‘pantasya’ means po, […]