Dahil hindi pa makalibot sa buong bansa: HERBERT, nakiuso na rin sa pagkakaroon ng sariling YouTube channel

JOIN na rin si Senatorial candidate Herbert “Bistek” Bautista sa uso and that is having his own You Tube channel.

Maganda ang ginawang ito ng former Quezon City Mayor dahil mas maraming pwedeng na siyang ma-reach na voters via his YouTube Official Channel, lalo na at palapit na ang campaign period.

Hindi man siya masyadong makalibot ng buong Pilipinas kung sakaling maghigpit muli ang alert levels in case mayroon na naman surge sa Covid-19 cases, pwedeng puntahan ng mga botante ang You Tube Channel ni Bistek to get updates about his activities as well as the batas na pwede niyang isulong in case he makes it to the Senate.

Compared naman sa ibang senatorial wannabees, mas may K (Karapatan) naman maging senador si Bistek dahil sa kanyang impressive record as a public servant.

***

EXCITED si John Gabriel dahil kasali siya sa First Lady, ang Book 2 ng First Yaya.

Ito ang unang TV show ni John sa GMA 7 kaya very happy ang newcomer. Ang show rin ang dahilan kung bakit nagpagupit ng buhok si John kasi he is playing the role of Gabby Concepcion’s PSG.

Kinabahan nga raw si John nang malaman na magiging part siya ng isang TV series sa GMA. That time ay hindi pa niya na kasali siya sa First Lady.

“Kinakabahan ako kasi I will be working with a veteran actor tulad ni Gabby Concepcion who is a superstar,” wika ng baguhang alaga ni Daddie Wowie.

Napapanood lang niya si Gabby noong bata pa siya pero this time ay kasama na niya ito sa isang TV series at maganda pa ang role niya.

First time din niya na makakasama si Sanya Lopez sa show kaya lalong doble ang excitement ni John.

Nasa lock-in taping na si John at excited siya na makaharap sina Gabby at Sanya dahil first niyang mami-meet ang mga ito sa location nila.

***

SABI ni Ayanna Misola, mas malamang daw na she will fall in love with a guy na mas matanda sa kanya.

Ito kasi ang tema ng launching film niya na Kinsenas, Katapusan.

“I find older guys responsible and mature,” wika ng bagong sexy star ng Viva.

Pag bata raw kasi ay medyo immature at hindi pa responsible. Pero kung may makilala raw siyang young man na mature at responsible, pwede rin naman daw siyang ma-in love dito.

Agresibong babae ang role ni Ayanna sa Kinsenas, Katapusan pero hindi naman daw siya ganito in real life.

Kahit na sexy ang role ni Ayanna, may tiwala naman siya kay Direk GB Sampedro na the sexy scenes will be handled well.

Si Joko Diaz leading man ni Ayanna sa isang sexy-psycho-thriller na ipalalabas via streaming sa Vivamax on February 4.

Kasama rin sa cast ng Kinsenas, Katapusan sina Kier Legaspi, Janelle Tee, Angela Morena at Jamilla Obispo.

(RICKY CALDERON)