Top 4 most wanted person ng Valenzuela, timbog sa Pangasinan
- Published on February 3, 2022
- by @peoplesbalita
NAGWAKAS na ang 16-taong pagtatago sa batas ng isang top 4 most wanted person ng Valenzuela City matapos itong masakote ng mga awtoridad sa kanyang pinagtataguan sa Pangasinan.
Kinilala ni Valenzuela police chief Col. Ramchrisen Haveria Jr, ang naarestong akusado na si Michael Reyes, 35 at residente ng Purok 4, Brgy. Nibaliw, Mangaldan Pangasinan.
Ayon kay Col. Haveria, nakatanggap ang mga operatiba ng Valenzuela Police Warrant and Subpoena Section (WSS) ng impormasyon mula sa isang impormante hinggil sa pinagtataguan ng akusado sa Pangasinan.
Bumuo ng team ang WSS sa pamumuno ni PLT Robin Santos at Valenzuela Police Sub-Station 6 sa pangunguna ni PLT Armando Delima, kasama si PSMS Roberto Santillan sa ilalim ng matatag na pamumuno ni Col. Haveria.
Kaagad ikinasa ng mga tauhan ng WSS at SS-6 ang joint manhunt operation na nagresulta sa pagkakaaresto kay Reyes dakong alas-5:20 ng hapon sa kahabaan ng Rizal Street, Brgy. Poblacion, Mangaldan, Pangasinan.
Ani PLT Santos, si Reyes ay inaresto sa bisa ng isang warrant of arrest na inisyu noong July 24, 2006 ni Hon. Nancy Rivas-Palmores, presiding Judge ng Regional Trial Court (RTC) Branch 172, Valenzuela City para sa kasong Rape at walang i-nirekomendang piyansa. (Richard Mesa)
-
PDu30, inaprubahan ang pagpapalawig ng 2 pang linggo ng travel ban laban sa UK
INAPRUBAHAN noong Disyembre 26 ni Pangulong Rodrigo Roa Duterte ang rekumendasyon ni Presidential Spokesperson Harry Roque, Jr. na palawigin ng dalawa pang linggo ang travel ban laban sa United Kingdom (UK) pagkatapos ng Disyembre 31, 2020. Inaprubahan din ng Pangulo ang rekumendasyon ng Department of Health (DOH) para sa “strict mandatory 14-day quarantine” para sa […]
-
JULIA, pinupuri ng netizen at celebrities dahil pursigido na makatapos sa pag-aaral; ‘Dean’s Lister’ pa
PINUPURI si Julia Montes ng netizens dahil sa pagpupursige niya na makatapos sa pag-aaral kahit kasabay ito ng kanyang pag-aartista. Ang kinukuha niyang kurso sa Southville International School and Colleges ay BSBA Major in Marketing Management, na dahil sa taas ng nakuha grado ay qualify siya sa Dean List ng Second Semester ng […]
-
Catriona, nagpasalamat at nagbigay ng suporta: PIA, labis na nanghinayang na ‘di nakapasok sa Top 5 si MICHELLE
LABIS na nanghihinayang si Miss Universe 2015 Pia Wirtzbach na nalaglag sa Top 5 ang pambato ng Pilipinas na si Michelle Marquez Dee sa katatapos na 72nd Miss Universe na ginanap sa El Salvador Ang Top 5 finalists pa naman ng beauty pageant makikilatis ang galing ng mga kandidata sa question-and-answer portion. […]