Ika-95 Taong Anibersaryo ng Kapanganakan ni Ka Blas, ginunita ng mga Bulakenyo
- Published on February 5, 2022
- by @peoplesbalita
LUNGSOD NG MALOLOS – Ginunita ng mga Bulakenyo ang ika-95 Taong Anibersaryo ng Kapanganakan ni Gat Blas F. Ople sa pamamagitan ng isang simpleng programa na inihanda ng Pamahalaang Panlalawigan ng Bulacan kaninang umaga sa lungsod na ito.
May temang, “Tulad ni Ka Blas, Maging Lingkod Bayan na sa Hamon ng Panahon ay Lumalaban”, isinagawa ang pag-aalay ng bulaklak sa bantayog ni Ka Blas na matatagpuan sa Gat Blas F. Ople Building: Sentro ng Kabataan, Kaalaman at Hanapbuhay (Provincial Livelihood Center), Antonio S. Bautista Bulacan Provincial Capitol Compound na pinangunahan ni Gob. Daniel R. Fernando.
Kabilang din sa mga dumalo ang mga kaanak ni Ka Blas na sina dating mga Bokal Felix V. Ople at Therese Cheryll Ople, dating Bise Gobernador Bernardo F. Ople at Bokal Bernardo B. Ople, Jr.
Ani Fernando, si Ka Blas ay nagsilbing inspirasyon hindi lamang sa mga Bulakenyo ngunit maging sa lahat ng Pilipino dahil sa kanyang ipinamalas na paglilingkod na nilakipan ng tapat na pagmamahal sa bayan at prinsipyong ipinaglalaban.
“Nawa’y taglayin ng mga Bulakenyo ang kahit bahagi man lamang ng kanyang mga katangian bilang dakilang Bulakenyo at tunay na Pilipino,” anang gobernador.
Si Ka Blas na tubong Hagonoy, Bulacan ay nauukit na sa kasaysayan ng bansa bilang Ama ng Labor Code, mamamahayag, Ama ng Overseas Filipino Workers, lingkod bayan at bayaning Bulakenyo. (Bishop Jesus “Jemba” M. Basco)
-
KYLIE, nag-post na ng picture ni ALJUR kasama ang dalawang anak para matigil na ang isyu ng hiwalayan
NAG–POST na si Kylie Padilla ng picture ng mister niya na si Aljur Abrenica at dalawa nilang anak, para siguro matigil na ang isyu na hiwalay na o may pinagdadaanan silang mag-asawa. Naka-off ang comment sa Instagram post na yun ni Kylie. So, obviously, ayaw nitong mag-entertain ng ano mang tanong, reaction o […]
-
Presyo ng face masks na binebenta sa gobyerno, sisirit: DTI
MAGTATAAS ng presyo ng face mask ang lokal manufacturer sa bansa kasabay ng pagtaas ng kumpirmadong kaso ng coronavirus disease 2019 (COVID-19) sa Pilipinas. Ayon kay Trade and Industry Secretary Ramon Lopez na bunsod ito ng ilang mga market factor. “They gave us [the face masks] at a low price. Bago pa tumaas […]
-
DOTr: Isusulong na dagdagan ang kapasidad ng mga pasahero sa pampublikong transportasyon
Tinutulak ng Department of Transportation (DOTr) na madagdagan ang kapasidad ng mga pasahero sa mga pampublikong transportasyon mula sa kasalukuyang 50 percent upang mabawasan ang hirap ng nararanasan ng mga pasahero sa pagsakay. Balak ng DOTr na utay-utay na palawakin ang kapasidad ng mga pampublikong transportasyon tulad ng Public Utility Jeepneys (PUJs) at […]