SMB niresbakan ang Meralco
- Published on March 7, 2022
- by @peoplesbalita
NAGPASABOG si import Shabazz Muhammad ng 57 points para ibangon ang San Miguel mula sa 26-point deficit at balikan ang Meralco, 115-110, sa PBA Governors’ Cup sa Smart Araneta Coliseum.
Ang ikalawang sunod na panalo ng Beermen (7-4) ang naglapit sa kanila sa inaasam na ‘twice-to-beat’ incentive sa quarterfinals at inilatay sa Bolts (6-4) ang ikatlong dikit na pagkatalo.
Nagtala rin ang five-year NBA veteran ng 19 rebounds at may 16, 13 at 10 markers sina six-time PBA MVP June Mar Fajardo, Vic Manuel at Marcio Lassiter, ayon sa pagkakasunod.
“I told my teammates once my shots gets in, people will be in trouble,” sabi ni Muhammad. “That was a great win.”
Itinayo ng Meralco ang 26-point lead, 72-46, sa pagsilip ng third quarter.
Ngunit sa likod ng hinataw ni Muhammad na 24 points sa nasabing yugto ay nakadikit ang San Miguel sa 92-83 sa pagtatapos nito.
Kumamada pa si Muhammad ng 15 markers, tampok ang tatlong tres, sa unang limang minuto ng final canto para sa 100-98 bentahe ng Beermen sa 8:38 minuto nito.
Huling napasakamay ng Bolts ang 110-107 kalamangan mula sa dalawang free throws ni import Tony Bishop sa 1:38 minuto ng laro.
Sa unang laro, pinaigting ng NorthPort (5-5) ang kanilang tsansa sa quarterfinals matapos agawin ang 124-117 panalo kontra sa talsik nang Terrafirma (2-8) para sa kanilang pang-limang dikit na pananalasa.
Kumubra si import Jamel Artis ng 31 points, 8 rebounds at 8 assists at may 28 at tig-21 markers sina Arwind Santos, Robert Bolick at Jamie Malonzo, ayon sa pagkakasunod.
-
Cash aid para sa turismo at scholarship, ibibigay na
NAKAHANDA na ang bilyong-bilyong cash aid para sa turismo at scholarship ng mga overseas Filipino workers (OFWs) na apektado ng pandemya. Ayon kay Labor Secretary Silvestre Bello III, kabuuang P13 bilyon ang maipapamigay na payout. Kasama na rito ang P3 bilyon para sa sector ng turismo, P bilyon para sa scholar na anak […]
-
Pagkuha ng booster shots iligal – Sec. Galvez
Muling binigyang-diin ni National Task Force Against COVID-19 Chief Implementer at vaccine czar Secretary Carlito G. Galvez, Jr. na iligal at mahigpit na ipinagbabawal ang pagkuha ng booster shots sa bansa gamit ang Covid-19 vaccines na binili ng national government lalo na at nasa 10 percent pa lamang sa buong populasyon ng Pilipinas ang fully […]
-
“Scarlett Johansson: Embracing Strength in ‘Fly Me to the Moon’
SCARLETT Johansson, who developed the idea for ‘Fly Me to the Moon’ with fellow creatives in her production company These Pictures, was originally going to just be a producer, not an actor, in the film. But because of how well the script was written, Johansson eventually became a leader not only behind […]