2022 March 07 Archive - People's Balita

May 18, 2024
Search in People's Balita
Ang Diyaryong Pinagkakatiwalaan

Archive for March 7th, 2022

LIVELIHOOD ASSISTANCE SA MGA NAVOTEÑOS

Posted on: March 7th, 2022 by @peoplesbalita No Comments

UMABOT sa 673 mga benepisyaryo ang nakatanggap ng kanilang P1,000 cash aid sa unang araw ng payout ng pamamahagi ng Pamahalaang Lungsod ng Navotas ng livelihood assistance sa ilalim ng Navo-Ahon Ayuda program.

Kabilang dito ang 38 jobseekers na nagtapos noong 2020-2021; 339 displaced workers; 25 delivery rider; 65 jeepney drivers; anim na local cooperatives; 38 na may-ari ng mga establisyimento na sarado at hindi pinapayagang mag-operate sa panahon ng heightened quarantine restrictions; at 162 bagong negosyante.

“As COVID-19 cases dwindle, our economy also continues to open up. However, many Navoteños still reel from the effects of the pandemic,” ani Mayor Tiangco.

Ang pamamahagi ng Navo-Ahon Ayuda ay naka-eskedyul hanggang March 23 para ligtas na mapaunlakan at mapagsilbihan ang 11,730 pang beneficiaries kung saan 1,772 dito ang mga tricycle at pedicab driver habang 9,958 ang rehistradong fisherfolk.

Ang Navo-Ahon Ayuda ay parte ng isang serye ng pandemic recovery programs na ang pamahalaang lungsod ay pumila para sa Navotenos.

Nauna rito, nagbigay ang Navotas ng tax amnesty sa mga indibidwal at negosyo sa pamamagitan ng General Pandemic Amnesty Program at nagbigay ng mga diskwento sa mga on-time taxpayers sa ilalim ng Pandemic Recovery Assistance Program.

Nangako rin ang pamahalaang lungsod na sasagutin ang P3,000 deficit ng DSWD para sa 4,820 qualified family-beneficiaries ng Bayanihan 1 Social Amelioration Program 2nd tranche. (Richard Mesa)

Dahil sa severe depression na nauwi sa suicide: Brother ng Filipino-Irish singer-actor na si DARREN CRISS, pumanaw na

Posted on: March 7th, 2022 by @peoplesbalita No Comments

CERTIFIED Kapuso na ang The Clash Season 4 grand winner na si Mariane Osabel at ang runner-up na si Vilmark Viray.

Pumirma sila ng exclusive contract with GMA Music at ready na silang simulan ang kanilang journey sa kanilang career bilang mga professional singers.

Parehong mahilig sumali sa mga singing contest noon sina Mariane at Vilmark. Kaya katuparan ng kanilang pangarap ang mabigyan ng big break.

Kuwento ni Mariane, minsan na raw siyang na-trauma sa pagsali sa singing contest. Sobra raw niyang dinamdam ang pagkatalo niya noon kaya dumating na raw sa punto na ayaw na niyang sumali sa anumang contest.

Hanggang sa sinubukan niya ulit ang sumali at nataon na sa The Clash siya matatanggahal na champion.

“Pangarap ko po talaga ang maging singer. Kahit na may trabaho na ako noon sa Iligan, pakiramdam ko na hindi ako para roon. I was singing since I was 2-years old, ito po talaga ang gusto ko at ngayon natupad na po,” ngiti pa niya.

Si Vilmark naman ay isang licensed engineer sa Pampanga. Minsan daw ay pinagtatawanan siya ng kanyang mga kaibigan sa pagsali sa mga singing contest. Hindi raw siya nawalan ng pag-asa na balang-araw ay may maniniwala sa kanyang hilig sa pagkanta.

“Tinatanggap ko na lang yung mga hindi magagandang sinasabi nila akin kapag sumasali ako ng contest. Ito kasi ang gustong gawin talaga. Noong magkaroon ako ng chance na makabalik sa ‘The Clash’ after akong ma-eliminate, mas ginalingan ko pa dahil mahal ko ang pagkanta,” diin pa ni Vilmark.

***

HINDI akalain ng Kapuso direktor na si Jorron Lee Monroy na magiging direktor siya ng mga teleserye dahil galing daw siya sa pagiging writer ng isang children’s show at musical variety show.

Unti-unti raw siyang nagkaroon ng interes sa paggawa ng teleserye kaya nagsimula siya bilang second unit director para sa drama anthology na Magpakailaman, Juan Happy Love Story, Sinungaling Mong Puso, Meant To Be, Kambal Karibal at Anak Ni Waray Vs. Anak Ni Biday.

Nabigyan siya ng break sa as full-time teleserye ng Usapang Real Love, Hanggang Sa Dulo Ng Buhay Ko, Ang Dalawang Ikaw at I Can See You: Truly, Madly, Deadly.

Biggest teleserye niya ang Artikulo 247 dahil inabot daw ng almost eight months bago matapos ang kanilang taping. Pero kahit na dumaan sa maraming aberya at delay ang lahat, sulit naman daw dahil mahuhusay ang kanyang mga bida na sina Rhian Ramos, Kris Bernal, Mark Herras at Benjamin Alves.

“Ilang beses kaming natigil mag-taping because of the weather, nagkaroon pa ng surge ng COVID-19, may mga nagkasakit sa production, ang dami talagang pagsubok.

“But it was all worth it because we made a very good series at hanga ako sa dedication ng mga nakatrabaho kong mga artista. Hindi madali yung mag-lock-in taping for such a long time. But we all get good results lkaya heto at maipapalabas na,” sey ni Direk Jorron.

Bukod sa pagiging in-house director niya sa GMA, isa rin siyang CEO and Creative Director ng Blackhouse Multi-Media Production at creative director din siya ng livestreaming app na KUMU.

***

PUMANAW ang kapatid na lalake ng Glee star na si Darren Criss.

Ayon sa Filipino-Irish singer-actor, nakipaglaban ang kanyang kapatid na si Chuck Criss sa severe depression na nauwi sa suicide.

Pagkaka-describe pa ng Emmy Award winner kay sa kanyang kapatid ay: “vibrant, special, worldly, hilarious, insightful, gifted, intelligent, celebrated and adored. He was a good man with a good heart who contributed enormous amounts of laughter, music and joy to the world. It’s marvelous to know that those memories are plentiful, everlasting and can never be taken away.”

May naiwang tatlong anak ang kanyang kapatid, na ayon kay Darren ay sobrang mahal ni Chuck.

“It is important to emphasize just how much he really loved his children – his youngest from his partner, as well as his two older children from his former marriage. His world revolved around them, and he loved being their father. He shared with them his own joy, good humor, and song, and they adored him for it,” post ni Darren sa kanyang tribute sa Instagram.

(RUEL MENDOZA)

Lider ng “Jamal Criminal Gang”, 1 pa kalaboso sa P816K shabu sa Caloocan

Posted on: March 7th, 2022 by @peoplesbalita No Comments

SWAK sa kulungan ang dalawang drug suspects, kabilang ang lider ng “Jamal Criminal Gang” matapos makuhanan ng mahigit P.8 milyon halaga ng shabu sa magkahiwalay na drug operation ng pulisya sa Caloocan City.

Sa report ni District Drug Enforcement Unit (DDEU) chief P/Lt. Col. Renato Castillo kay Northern Police District (NPD) Director PBGEN Jose Santiago Hidalgo Jr, nakatanggap ang mga operatiba ng DDEU ng impormasyon mula sa kanilang impormante na nagbebenta umano ng shabu si Muamar Abiden, 31, (HVI).

Dakong alas-6:30 ng gabi nang isagawa ng mga operatiba ng DDEU sa pangunguna PSMS Michael Tagubilin ang buy bust operation sa bahay ni Abiden sa No. 94 A Palon St., Brgy. 69 na nagresulta sa pagkakaaresto sa kanya matapos bentahan ng P7,500 halaga ng shabu ang isang police poseur-buyer.

Nakumpiska sa suspek ang tinatayang nasa 100 grams ng hinihinalang shabu na may standard drug price P680,000.00, marked money na isang P500 bill at pitong pirasong P1,000 boodle money at pouch.

Sa Brgy., 176, Bagong Silang, nirespondehan ng mga operatiba ng Caloocan Police Intelligence Section sa pangunguna nina PMAJ Rengie Deimos at PMAJ John David Chua sa ilalim ng pangangasiwa ni P/Col. Samuel Mina Jr, ang natanggap na impormasyon mula sa Barangay Information Network (BIN) na nagbebenta umano ng shabu ang lider ng “Jamal Criminal Gang” na si Jamaloden Assirong alyas “Jamal”, 28, sa kahabaan ng Phase 1, Package 1, Block 15, Lot 3.

Pagdating sa lugar dakong alas-3:20 ng madaling araw, naaktuhan ng mga pulis ang suspek na may inaabot na hinihinalang shabu sa isang lalaki na nakasuot ng surgical mask subalit, nang mapansin sila ng mga ito ay mabilis nagpulasan ang dalawa kaya hinabol sila ng mga operatiba hanggang sa makorner si Jamal habang nakatakas naman ang isa.

Narekober kay Jamal ang isang transparent plastic sachet na naglalaman ng tinatayang nasa 20 grams ng hinihinalang shabu may standard drug price P136,000.00 at P510.00 cash.

Nahaharap ang suspek sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)

NCAA ikakasa na ang Season 97

Posted on: March 7th, 2022 by @peoplesbalita No Comments

NAKATAKDANG magpulong ang pamunuan ng National Collegiate Athletic Association (NCAA) bukas (Lunes) upang ipinalisa ang lahat ng kakailanganin para sa nakatakdang pagbubukas ng Season 97.

Ayon sa mga ulat, nakatakdang magbukas ang NCAA Season 97 sa Marso 26 kasabay ng opening ceremony ng UAAP Season 84 na gaganapin sa Mall of Asia Arena sa Pasay City.

Subalit wala pang pormal na kumpirmasyon ang NCAA kung sa parehong petsa rin gaganapin ang opening rites ng pinakamatandang liga sa bansa.

Inaasahang iaanunsiyo ito ng NCAA management committee sa oras na matapos ang meeting ng grupo.

Kabilang din sa mga dedesisyunan ng NCAA mancom kung pahihintulutang makapanood sa venue ang mga fans at mga supporters ng iba’t ibang teams.

Ilalatag din ang matinding health protocols na ipatutupad sa buong panahon ng bawat torneong isasagawa para masiguro na ligtas ang lahat ng student-athletes, coaches, officials at staff.

May temang ‘Stronger Together, Buo ang Puso’ ang season na ito na itataguyod ng host College of Saint Benilde.

Nakasentro ang atensiyon ng lahat sa pagbubukas ng men’s basketball tournament gayundin ng volleyball competitions matapos ang mahigit dalawang taong pagkakaudlot dahil sa pandemya.

Noong Season 96, tanging mga online events lamang ang isinagawa sa liga kabilang na ang poomsae, speed kicking at chess.

Kaya naman excited na ang lahat sa pagbabalik-aksyon ng NCAA lalo pa’t bumubuti na ang kalagayan ng bansa patunkol sa pandemya.

Transport group humirit ng P15 minimum jeep fare

Posted on: March 7th, 2022 by @peoplesbalita No Comments

ISA NA naman transport group ang naghain ng petisyon sa Land Transportation Franchising and Regulatory Board (LTFRB) at humihingi ng P15 minimum jeepney fare.

Ang Liga ng Transportasyon at Operators sa Pilipinas (LTOP) ang naghain ng nasabing petisyon sa pangunguna ni president Orlando Marquez dahil na rin sa “severity” ng pagtaas ng presyo ng krudong petrolyo.

“Our members have felt that the increase in prices of oil and other goods can no longer be dealt with. It has reached the extreme and we won’t be able to survive this,” wika ni Marquez.

Sa kasalukuyan, ang minimum jeepney fare ay P9 kada unang apat (4) na kilmetro. Nauna ng naghain ang LTOP ng P12 na minimum fare increase.

Ayon kay Marquez, ang paghingi nila ng fare hike ay isang kolektibong desisyon ng mga operators mula sa Luzon, Visayas at Mindanao na ngayon ay nakakaranas ng hirap upang makapag break even man lamang sa kanilang kita kahit na binalik ang kapasidad ng mga transportasyon pampubliko sa 100 percent.

“Our passengers have increased but with the number of our passengers, the huge collection, we hit boundaries to pay only in gasoline stations. It seems as if there are two operators now – the jeepney operators and the increasing costs of goods,” dagdag ni Marquez.

Humihingi naman ng paumanhin si Marquez sa mga pasahero na maaapektuhan ng kanilang ginawang petisyon sa pagtataas ng pamasahe na ayon sa kanya ay hindi na nila kaya ang “suffering and losses” na kanilang nararanasan.

Samantala, hindi pa rin nabibigay ang fuel subsidy para sa mga public utility vehicles na isa sa mga solusyon na pinangako ng LTFRB sa mga operators at drivers. Ayon kay LTFRB director Zona Tamayo hindi pa nila alam kung kailang maibibigay ang nasabing fuel subsidy subalit kanilang ng minamadali ang proseso sa Department of Budget and Management (DBM).

“We will have to understand that we need to balance this because we all know there’s a domino effect should there be a fare hike. It can also affect the prices of other goods,” saad ni Tamayo.

Nakikipagusap rin ang LTFRB sa National Economic and Development Authority upang ma asses ang posibleng epekto nito sa mga mamayan.

Dahil sa sunod-sunod na pagtaas ng presyo ng krudo, tinawagan naman ni Senate Minority Leader Franklin Drilon ang pamahalaan na dapat ay madaliin ang pagpapatupad at pamahahagi ng P2.5 billion na alokasyon para sa financial subsidy at fuel vouchers sa mga kualipikadong public utility vehicle drivers tulad ng taxi, tricycle, bus, jeepneys at full-time riding-hailing at delivery services.

Tinawagan na rin ni President Duterte and Kongreso upang repasuhin ang oil deregulation law ng bansa upang mabigyan ng power ang pamahalaan na makialam sakiling tuloy-tuloy ang pagtaas ng presyon ng krudo. LASACMAR

Tuloy na tuloy na ang serye nila ni Alden: BEA, inaming na-pitch sa kanya ang ‘Start Up’ na naging rason para maging Kapuso

Posted on: March 7th, 2022 by @peoplesbalita No Comments

TULOY na tuloy na ang pagtatambal ng Kapuso actress na si Bea Alonzo at ni Asia’s Multimedia Star Alden Richards sa local adaptation ng 2020 South Korean series na Start-Up.

Hindi nag-announce ang Kapuso Network na tuloy ang romantic-drama series, hanggang hindi nila naayos ang contract nila in partnership with Korea’s CJEMM.

According to Senior Vice President for GMA Entertainment Group Lilybeth G. Rasonable, excited na silang i-co-produce ang local version ng one of the favorite K-drama because of its inspiring story about reaching for one’s dreams, story about love, friendship, set in a modern backdrop na tiyak na magugustuhan ng Filipino audience, created and produced by Studio Dragon.

Ang Start-Up ay first Philippine adaptation Korean series na gagawin ni Alden at sigurado raw magiging ready siya lagi sa mga eksena nila ni Bea, hindi niya kasi ipinagkakaila na fan siya ng John Lloyd Cruz-Bea Alonzo love team, bukod pa sa kilala na rin niyang magtrabaho si Bea dahil ilang TV commercials na ang nagawa nilang magkasama (the latest nga ay ang Century Tuna SuperBods).

Ayon naman kay Bea, nakatutuwa raw na bago pa siya nag-sign ng contract sa GMA, na-pitch na raw sa kanya ng mga big bosses na gagawin niya ang Start-Up, kaya isa ito sa reason kaya naging Kapuso siya.

Dagdag pa ni Bea, nakita na raw niya kung gaano kahusay na actor si Alden, kaya dapat paghusayin din niya ang pag-arte niya para hindi siya mapahiya sa bago niyang leading man.

Inaayos na ng GMA ang location setting at kung kailan sila magsisimula ng lock-in taping. Susunod na i-announce ng GMA kung sinu-sino ang bubuo sa cast at kung sino ang magdidirek ng Start-Up.

***

WALA palang problema si Kapuso actress Bianca Umali sa everyday na trabaho niya, dahil mag-isa lamang siyang namumuhay ngayon.

Of legal age na si Bianca kaya humiwalay na siya sa lola niya at siya ang gumagawa ng lahat ng household chores bago siya pumunta sa work.

Ipinakita ito ni Bianca sa kanyang YouTube vlog titled “A Day in a Life,” ipinakikita niya na siya ang mag-isang gumagawa ng errands niya, naggu-grocery, kahit ang pagpapakain sa dalawang alagang aso ay siya ang gumagawa nito.

Kaya walang problema si Bianca, wala siyang iintindihin, tulad ngayon na naka-lock-in taping siya para sa Mano Po Legacy: Her Big Boss, na first time nilang pagtatambalan ni Ken Chan, kasama si Kelvin Miranda, na ang world premiere ay sa March 14 na sa GMA Telebabad.

***

ENJOY ang mag-asawang Glaiza de Castro at David Rainey ngayong nakabakasyon pa si David dito sa bansa.

Since kasal na sila last October, 2021 sa Ireland, kasama ngang umuwi ni Glaiza ang husband niya. Kaya sa ngayon ay inaayos na rin nila ang kanilang kasal sa bansa. Napagkasunduan kasi nila noon na sa Ireland sila magpapakasal with the family of David. Pero magkakaroon sila ng second wedding dito sa bansa, for the reason na mas malaki ang family ni Glaiza kung sila ang pupunta sa Ireland sa wedding.

“Pero marami pa kaming kinu-consider, like ang weather sa aming kasal, kaya baka next year na rin naming gagawin,” kuwento ni Glaiza.

“Nakipag-usap na kami sa event stylist at iba pang mag-aasikaso ng kasal, isang Christian wedding sa beach, kaya naghahanap pa kami ng lugar, special sa amin yung dagat, so iniisip pa namin kung magdadagat pa, baka mahirapan ang wedding organizer, hindi ba kami ulanin?

“Sayang naman ang effort kung magsi-set up kami ng event, at uulanin lamang.”

Kailan naman sila magbi-baby?

Kambal daw ang gusto nilang maging first baby. Pareho pala silang may kambal sa family, kaya biro ni Glaiza, “gusto ko ang panganay namin, kambal para isang irihan na lang, isang babae at isang lalaki.”

At handa pala si Glaiza na iwan ang showbiz, sakaling may pamilya na sila ni David, para personal niyang maalagaan ang asawa at ang magiging mga anak nila.

(NORA V. CALDERON)

Head coach ng PH women’s national football

Posted on: March 7th, 2022 by @peoplesbalita No Comments

MANANATILI bilang coach ng Philippine women’s football team si Alen Stajcic.

Kinumpirma ito ng Philippine Football Federation (PFF) kung saan pumirma ang Australian coach ng kaniyang kontrata ng hanggang 2023 FIFA Women’s World Cup.

Sinabi ni Jefferson Cheng ang team manager ng women’s football team ng bansa na mahalaga ang magiging papel ng Australian coach dahil sa paghahandang gagawin nila sa nalalapit na torneo.

Magugunitang naging malaking susi sa panalo ng national football ng bansa dahil sa sa pagpasok nila sa World Cup ng magtagumpay sila sa semifinals ng AFC Asian Cup nitong Enero.

Pinas, magdo-donate ng COVID-19 vaccines sa Southeast Asian nations –NTF

Posted on: March 7th, 2022 by @peoplesbalita No Comments

MAGDO-DONATE ang Pilipinas ng COVID-19 vaccines sa mga kalapit-bansa sa Southeast Asia sa gitna ng sobrang suplay sa bansa.

Sa katunayan ani National Task Force (NTF) Against COVID-19 medical adviser Dr. Ted Herbosa ay walang problema sa suplay ang bansa.

At gaya aniya ng sinabi ni NTF chief implementer Carlito Galvez Jr., tinanggihan na ng bansa ang ilang COVID-19 vaccine donations at sa halip ay dinonate ang ilan sa ibang Southeast Asian countries.

“Wala tayong problema sa supply, in fact sabi nga sa akin ni Secretary Galvez nagre-refuse pa sila ng donation at nagdo-donate tayo sa iba nating mga kababayan sa Southeast Asia kasi nga ample ang supply natin sa bakuna,” ayon kay Herbosa.

Sa kabilang dako, nagpatupad na aniya ang mga opisyal ng NTF ng vaccine information drive sa komunidad ng Bangsamoro Autonomous Region in Muslim Mindanao (BARMM) dahil marami pa rin ang ayaw na mabakunahan dahil sa kanilang paniniwala.

“Yung BARMM ay very special area nga at pinuntuhan natin ‘yon, magkahalo ‘yan problema sa access dahil malalayong lugar ang pinupuntahan nila medyo mabigat sa pamasahe at pangalawa may kumalat kasi ron na paniniwala na ito ay hindi Halal yan ang kinakalaban namin,” ayon kay Herbosa.

Nauna rito, sinabi ni Galvez, vaccine czar din ng bansa na nagpunta siya ng Sumisip, Basilan upang hikayatin ang Muslim communities doon na magpabakuna laban sa COVID-19.

Samantala, hinikayat naman ni Herbosa ang publiko na magpabakuna na laban sa COVID-19 dahil target ng pamahalaan na mabakunahan ang 77 milyong Filipino sa pagtatapos ng Marso at 90 millyon bago pa bumaba sa puwesto si Pangulong Rodrigo Roa Duterte sa Hunyo 30. (Daris Jose)

Mukhang nalalapit na ang engagement proposal: ARJO, looking forward na i-celebrate ang mga susunod pang birthday ni MAINE

Posted on: March 7th, 2022 by @peoplesbalita No Comments

MULING ipinakita at ipinagmalaki ni Arjo Atayde ang pagmamahal sa kanyang girlfriend na si Maine Mendoza na nag-celebrate ng 27^th birthday last Thursday, March 3.

Sa IG post ng award-winning actor ng kanilang photo ng Phenomenal Star, nilagyan niya ito ng sweet caption: “Mahal na mahal kita… looking forward to celebrating all your birthdays with you! Happy Happy Birthday, Baba.”

Nag-comment naman si Maine ng, “Thank you!!! Love youuu.”

Matatandaan na last year, nag-post din si Arjo ng sweet birthday message sa IG account niya na, “I just never want to stop making memories with you. I love you! Happy Birthday, Bubby.”

Mas matindi ngayon ang mensahe na nais iparating ngayon ng aktor, at marami tuloy ang nag-iisip na mukhang malapit na ngang mag-propose si Arjo kay Maine, na three years nang magka-relasyon.

Nag-celebrate nga sila last December 21, 2021 na kanilang third anniversary.

Una nilang inamin noong January 2019 na “exclusively dating” na sila at after ng eleven months ay naging couple at binati ang isa’t-isa sa kanilang first anniversary.

Inamin din Arjo sa isa niyang interview, nakikita raw niya ang sarili na spending the rest of his life with Maine.

Pinusuan ng celebrity friends nila at netizens ang IG post na ito ni Arjo na hinintay talaga bago sila matulog. Kitang-kita na maraming kinikilig at umaasang sila na sana ‘til forever.

Isa nga sa unang nag-comment at bumati ng happy birthday kay Maine ang premyadong aktres at mommy ni Arjo na si Sylvia Sanchez, at say niya na, “Stay happy and inlove.”

Comment ng netizens:

“Yun oh! Eto na ang pinakahihintay ng marami. Ang tamis.”

“Kailan po bs yun kasal??!!”

“Mukhang engagement proposal na soon.”

“Sana sila na nga forever.”

“Parang nagiging magkamukha na sila. Feeling ko malapit na makasal.”

“Mukhang may forever sila.”

“Parang nangangamoy proposal na soon! Happy for them.”

“Bagay na bagay sila.”

“Go ARMAINE kaht marami na naman ang magagalit…”

Well, abang-abang na lang tayo sa next chapter ng relasyon Arjo at Maine.

Na kahit pilit na hinahadlangan sa unang taon pa lang nila at ayaw talagang paniwalaan, heto at nasa ikatlong taon na nga sila at patuloy na tumitibay at hindi na mapaghihiwalay.

(ROHN ROMULO)

Kamara, magsasagawa ng espesyal na pagdinig hinggil sa oil price hikes

Posted on: March 7th, 2022 by @peoplesbalita No Comments

NAKATAKDANG magsagawa ng espesyal na pagdinig ang House of Representatives sa darating na Marso 9, sa susunod na linggo.

Ito ay may kaugnayan pa rin sa nakaka-alarmang walang humpay na pagtaas ng presyo ng langis sa bansa.

Ayon kay Ways and Means Committee chairperson at Albay Representative Joey Salceda, tatalakayin sa naturang pagdinig ang epekto ng fuel hike sa inflation, trade at commodity, maging agrikultura.

Pag-uusapin din sa pagpupulong ang epekto nito sa supply at demand ng bansa, sektor ng transportasyon, at pati na rin ang iba’t-ibang paraan sa pagsusulong ng fuel excise tax at iba pa.

Ayon pa kay Salceda, inatasan na ni ni Speaker Lord Allan Velasco ang House commitees on Economic Affairs, Energy, Transportation at Ways and Means na bumuo ng Fuel Crisis Ad Hoc Committee na siyang hahawak sa mga paglilitis.

Kabilang rin sa mga dadalo sa naturang pagpupulong ay ang mga economic managers at iba pang ahensya ng gobyerno upang mapag-usapan ang mga epektibong hakbang at paraan na maaaring agad na gawin ng pamahalaan ukol dito.

Hihilingin rin aniya ng komite sa mga kinauukulang ahensya ang timeline kung kailan ilalabas ang fuel subsidy para sa mga magsasaka, mangingisda, at drivers.