Excited na sa muling pagho-host ng ‘Family Feud’: DINGDONG, tahasang sinabi na gustong maka-trabaho sa teleserye si JO BERRY

MUKHANG excited ang Kapuso Primetime King na si Dingdong Dantes sa kanyang bagong show sa GMA-7, ang Family Feud.

Kilala si Dingdong bilang isa sa mga mapagkakatiwalaang host ng Kapuso network at sa pagkakataong ito, sa isang game show naman nga.

Nag-post si Dingdong sa kanyang Instagram account ng picture sa taping ng isa sa mga episode ng show. At sabi nga niya, “Dito , manalo o matalo, sasayaw ako kasama mo. Family Feud… malapit na malapit na!”

Kung excited si Dingdong, mukhang excited din sa bagong GMA show na ito ang mga Kapuso stars. Ang pinsan niya na si Arthur Solinap ay napa-comment at nag-suggest pa na, “Mag- ‘do you really want me’ tayo na sayaw pag guest ko dyan.”

Sinagot naman ito ni Dingdong na, “ha ha ha ihanda mo na ang jacket na pantali sa baywang!”

Pero winner si Jo Berry na mukhang tahasang sinabihan ni Dingdong na gustong maka-trabaho sa isang teleserye.

“@thejoberry it was great to have you on the show! Sana makatrabaho naman kita sa isang drama soap balang araw.”

Kaya ang reply ni Jo Berry rito, “@dongdantes nag-enjoy po ako! Yes po! Sana po magkatrabaho tayo sa isang soap drama.”

***

NAKAUWI na sa bansa ang actress at itinuturing na fashion icon na si Heart Evangelista.  

Mula sa kanyang napaka-sosyal na Paris trip for Paris Fashion Week.

Pero kahit daw nasa bansa na siya, umasa raw ang mga followers niya na 10 million na sa Instagram na karamihan pa rin ng mga ipo-post niya ay ang mga pictures niya na kuha sa Paris o sa Paris Fashion Show.

“Made it to my drive way but expect my feed to still be in Paris.”

Ini-assure naman si Heart ng mga followers niya at mga fans na sige lang daw itong mag-flood ng mga pictures niya sa PFS dahil super like raw nila ang lahat ng mga larawang naise-share nito.

Sa isang banda, para na rin talagang loveteam sina Heart at Governor Chiz Escudero. Ang dami naming nababasang comment na natutuwang nakabalik na ng bansa si Heart at sa piling daw ng asawa nito.

Hindi na raw nila mami-miss ang isa’t-isa at looking forward daw sila sa mga ipo-post ng dalawa na magkasama.

(ROSE GARCIA)