Batang lalaki patay sa sunog sa Caloocan
- Published on March 25, 2022
- by @peoplesbalita
NASAWI ang isang tatlong taon gulang na batang lalaki matapos matrap sa nasusunog nilang bahay sa Caloocan City. Kamakalawa ng hapon.
Ayon kay Caloocan Bureau of Fire Protection (BFP) chief Supt. Roberto Samillano Jr. dakong ala-1:30 ng Miyerkules ng hapon nang sumiklab ang sunog sa bahay na pag-aari ni Edelita Sacil sa Block 5, Lot 14, Pampano St., Brgy. 14.
Mabilis umanong kumalat ang apoy sa naturang compound kung saan nakatira ang anim na pamilyang magkakamag-anak kaya’t hindi na nagawang makalabas ng kanilang bahay ang tatlong taon gulang na si Patrick Ace Francisco na naging dahilan ng kanyang kamatayan.
Umabot sa unang alarma ang sunog at idineklarang undercontrol ni F/Sr. Insp. Arvin Jude Rapano dakong ala-1:56 ng hapon habang idineklara itong fire-out bandang alas-2 ng hapon.
Ani fire investigator FO3 Mark Vincent Severino, anim na bahay ang tinupok ng apoy na naging dahilan upang mawalan ng tirahan ang anim din na pamilya.
Nasa more or less P80,000 halaga naman aniya ng ari-arian ang natupok sa insidente habang inaalam pa ng BFP ang naging sanhi ng sunog. (Richard Mesa)
-
Jeepney phase out deadline pinalawig hanggang Dec. 31
PINALAWIG ng pamahalaan ang deadline ng phase out ng mga traditional jeepneys sa ilalim ng Public Utility Vehicle Modernization Program hanggang katapusan ng taon. Ito ang inihayag ng Land Transportation Franchising and Regulatory Board (LTFRB) sa pamumuno ni chairman Teofilo Guadiz kung saan niya sinabi na magkakaron ng pagkakaantala ang consolidation ng […]
-
DOLE mamimigay ng libreng bisikleta sa mga displaced workers na interesado sa delivery service
MAMIMIGAY ang Department of Labor and Employement (DOLE) ng bisikleta sa buong bansa para sa mga manggagawang nawalan ng trabaho pero nais maging delivery service riders sa gitna ng COVID-19 pandemic. Ayon kay Bureau of Workers with Special Concerns Director Karina Perida-Trayvilla, nakatakdang ilunsad ang programang ito sa susunod na linggo. Aabot sa […]
-
SARAH, binigyang pugay ang mga magulang sa virtual concert; MATTEO, ibinahagi ang kanilang wedding photo shoot
NAGING touching sa amin, kahit na wala sa mismong virtual concert ni Sarah Geronino na Tala The Film Concert ang mga magulang niya at kapatid. May isang segment na binigyang honor ni Sarah ang mga magulang. Kahit open sa publiko ang nangyaring pagtutol ng parents ni Sarah sa pagpapakasal niya kay Matteo Guidicelli, […]