Bulacan, tumanggap ng parangal bilang Best Performing LGU
- Published on March 29, 2022
- by @peoplesbalita
LUNGSOD NG MALOLOS- Hinirang ang Lalawigan ng Bulacan bilang isa sa mga Best Performing Local Government Unit sa kategoryang Total Doses Administered noong National Vaccination Days sa ginanap na Recognition of the Best Performing Local Government Units on Safety Seal Certification Program, VaxCertPH Program, and National Vaccination Days sa Main Mall Atrium, SM Mall of Asia, Lungsod ng Pasay noong Lunes.
Sa isang recorded na mensahe, binati ni Pangulong Rodrigo Roa Duterte ang mga kinilalang lokal na pamahalaan para sa kanilang pagsisikap na maisulong ang isang mas malusog at mas ligtas na Pilipinas.
“This distinction attests to local leaders’ commitment to safeguarding the health and overall wellbeing of our citizens. May you inspire other LGUs to work even harder in promoting the welfare of the general public including tourists visiting our country,” anang pangulo.
Ibinahagi ni Testing Czar at Presidential Adviser for COVID-19 Response Secretary Vivencio Dizon na nakapagbakuna na ang Pilipinas ng higit 140 milyong dosis ng bakuna sa buong bansa. Gayundin, inanunsyo niya na 65 milyong Pilipino na ang kumpleto ang bakuna at 12 milyon ang nakatanggap na ng booster shot.
“We have seen that the vaccination program was really the game changer. If we did not come together as one, we would not be here today. Dapat nating pasalamatan ang ating mga kapwa Pilipino, lalo na ang mga nagpabakuna,” ani Dizon.
Samantala, pinasalamatan ni Gobernador Daniel R. Fernando ang Department of the Interior and Local Government at ang National Task Force on COVID-19 para sa pagkilala at sinabi na ipagpapatuloy ng lalawigan ang paghihikayat sa mga Bulakenyo na magpabakuna.
“Lubos po ang ating pasasalamat sa pagkilalang ating natanggap. Makakaasa po ang ating pamahalaang nasyunal na patuloy ang ating suporta sa kanilang mga programa at proyekto lalo na para ito sa kapakanan ng ating mga kalalawigan,” anang gobernador.
Noong Marso 21, 2022, nakapagbakuna na ang Lalawigan ng Bulacan ng kabuuang bilang na 4,861,249 dosis ng bakuna laban sa COVID. Sa numero na ito, 2,217,883 na Bulakenyo na o 73.59% ng Eligible Population na ang kumpleto ang bakuna, habang 502,592 ang tumanggap ng kanilang booster dose.
-
Ex-PNP Chief Eleazar, nakapaghain na ng CoC sa pagka-senador
Nakapaghain na ng kanyang certificate of candidacy (CoC) si dating PNP Chief Guillermo Eleazar para sa pagka-senador. Pero una rito, naghain muna ng wtihdrawal sa pagtakbo bilang senador si Reporma senatorial aspirant Paolo Capino. Kasunod nito ay pumasok na si Eleazar sa area kung saan tinatanggap ang mga dokumento para sa […]
-
Pinas, US, muling sisimulan ang joint patrols sa South China Sea
MULING magsasanib-puwersa ang Pilipinas at Estados Unidos pagdating sa mga joint naval patrols sa South China Sea. Kasunod ito ng pagbibigay sa Amerika ng mas malawak na access sa mga miltary base ng Pilipinas sa ilalim ng Enhanced Defense Cooperation Agreement (EDCA). “The United States and the Philippines have agreed to […]
-
Pagpapatupad ng Ecological Solid Waste Management program sa Navotas, pinaigting
SA hangarin na palakasin ang kanilang ecological solid waste management (ESWM) program, pumasok sa isang memorandum of agreement (MOA) ang Pamahalaang Lungsod ng Navotas, kasama ang Mother Earth Foundation (MEF) at ang Dept. of Environment and Natural Resources Environmental Management Bureau – National Capital Region (DENR EMB-NCR). Nilagdaan ni Mayor John Rey Tiangco […]