Pinakamahusay umarte sa magkakapatid: BRYAN, wala pang balak mag-asawa kahit may longtime girlfriend

NAGKAROON na ng pagkakataon na sagutin ng Limitless Star na si Julie Anne San Jose ang isyung diumano’y ini-unfollow siya ng ex-girlfriend ni Rayver Cruz na si Janine Gutierrez sa Instagram.

Base sa sagot ni Julie, makukumpirma na may pag-unfollow nga na naganap.  At ito ay sa part ni Janine.  Sinubukan kasi naming i-check ang Instagram account ni Julie at until now, pina-follow pa rin niya si Janine.

Nang hingan ng reaksyon tungkol dito, sinabi ni Julie na, “Nagulat lang din po ako, to be honest. Pero wala naman po sa akin yun. Kasi, lahat naman ng tao ay may kanya-kanyang, like, reasons. May kanya-kanya naman pong dahilan.

      “But sa end ko naman po, sa sarili ko, wala naman pong masamang tinapay sa kahit kanino. Wala po akong problem with anybody and, you know, kumbaga, wala po akong masamang loob po.

      “Everyone is entitled to their own opinion kaya kung ano man po ‘yung nangyari before, wala po yun sa akin.”

At sabi pa niya, “Basta po malinis po ang aking konsensiya, at wala, para masaya lang po lahat.”

Nakausap ng ilang entertainment press si Julie sa naging online mediacon ng Limitless: Rise na ikatlo at huli na sa kanyang musical trilogy na mapapanood online sa April 9 at 10.

Masaya si Julie, gayundin ang GMA Synergy team at si Direk Paolo Valenciano na ilang araw bago ang concert, nakatanggap na agad ng recognition ang concert sa 2022 New York Festivals TV and Film Awards under the Entertainment Special: Variety Special category

At hindi man nagbigay pa ng totoong status ng relasyon na nga sa pagitan nila ni Rayver dahil puro, “siya na lang po ang tanungin niyo” sa tanong namin kung sila na nga, hindi naman na itinanggi ng Kapuso star na masayang-masaya siya ngayon.

***

HALOS lahat ng kaharap na press people ni Bryan Revilla ay uma-agree na sa mga anak ni Senator Ramon ‘Bong’ Revilla Jr. at Congresswoman Lani Mercado, si Bryan ang mahusay sa pag-arte.

Pero alam naman din ng lahat na si Bryan din ang parang reluctant actor. Ang tagal na ng huli niya.  At nakatatawa na parang peg nito ang kanyang namayapang lolo, ang dating Senator Ramon Revilla Sr. na 45 years old na raw nang bumalik sa pag-arte.

Meaning, it’s not too late for him sakali man at maisipan niyang seryosohin pa rin ang showbiz now na he’s 35.

Pero sa totoo, mukhang si Bryan talaga ang sa lahat yung hindi sugod lang nang sugod. Kahit kasi sa pulitika, for the longest time, gumagawa siya at isa sa staff ng Papa niya at ng Mama niya. It’s only now na si Bryan ay formal na pumapasok sa pulitika.

Siya ang unang nominado ng Agimat Partylist na ang workers, health at economic ang agenda. Na even before election, lalo na during pandemic, doon daw sila talaga mas nakatulong sa mga nangangailangan.

Single pa rin si Bryan, though may longtime girlfriend siya since college na ayon dito, non-showbiz and non-political.

Nang tanungin kung wala pang planong pakasal, “Hindi pa, hindi pa,” sey niya.

Hindi ba siya nape-pressure na magpakasal na, lalo na mula sa mga magulang niya?

     “I wouldn’t say na walang pressure, ang tanong, nagpapa-pressure ba ‘ko?  Noong una siguro, oo. But now, napaisip na lang din ako, I can’t really rush. I can’t rush these things e. 

“I think you’ll know when the right time and I don’t know kung ngayon ba ang tamang panahon for that because right now, I’m busy trying to win this election and that’s where my focused now. Let’s see after that.”

***

OBVIOUSLY, very proud at very happy ang Kapuso Primetime King na si Dingdong Dantes sa outcome ng pagbabalik niya bilang game master.

Mataas kasi sa ratings ang nakukuha araw-araw ng Family Feud at halatang mas ginaganahan si Dingdong dahil alam niyang inaabangan ng mga Kapuso viewers ang show.

Umabot na sa 9.6% ang rating ng show na masasabing napakataas na for its time-slot. Actually, pang primetime na nga.

Kaya super thank you naman si Dingdong sa kanyang Instagram post. At kung meron na pinaka-proud sa kanya, walang-iba kung hindi ang kanyang misis na si Kapuso Primetime Queen Marian Rivera na nag-comment sa IG post ni Dingdong na, “Hooraaaay! Congrats Dada!”

(ROSE GARCIA)