Kelot timbog sa entrapment sa Valenzuela
- Published on April 19, 2022
- by @peoplesbalita
ARESTADO ang isang 29-anyos na lalaki sa isinagawang entrapment operation ng pulisya makaraang tanggapin ang isang package na naglalaman ng hinihinalang marijuana kush sa Velenzuela City, kamakalawa ng gabi.
Kinilala ni PLT Joel Madregalejo, hepe ng Station Drug Enforcement Unit (SDEU) ng Valenzuela police ang naarestong suspek na si Aaron James Bolivar ng 740 Francisco St., Brgy. Paso De Blas.
Ayon kay PSSg Carlos Erasquin Jr, bago ang pagkakaaresto sa suspek, nagtungo sa opisina ng SDEU ang isang Angkas Rider at inireport ang hinggil sa kanyang delivery goods na kinuha mula sa Sampaloc, Manila at ide-deliver sa Paso De Blas, Valenzuela City ay naglalaman umano ng hinihinalang marijuana kush.
Dahil dito, ikinasa ng mga operatiba ng SDEU sa pangunguna ni PLT Doddie Aguirre ang entrapment operation kung saan nang tanggapin ng suspek ang package mula sa Angkas Rider malapit sa kanilang bahay sa Francisco St., Brgy. Paso De Blas dakong 11:30 ng gabi ay agad lumapit si PCpl Isagani Manait saka inaresto si Bolivar.
Narekober sa suspek ang limang transparent plastic sachets na naglalaman ng hinihinalang Kush, brown paper bag, self sealed paper bag na naglalaman ng cookies, P20 bill, dalawang cellphones, at P150 bills.
Nahaharap ang suspek sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)
-
DEREK at ELLEN, nagpalitan ng ‘sweet messages’ sa kaarawan ng aktor; netizens todo-react na naman
SUPER sweet ng birthday message ni Ellen Adarna sa sexy hubby niya na si Derek Ramsay na pinost sa kanyang IG account ng mga photos nila. Caption ni Ellen, “You make my mornings more beautiful. I love you my forever Gor. Husband Birthday Dump.” Sagot naman ni Derek, “My life has […]
-
Panukala na magsususpendi sa pagtataas ng kontribusyon sa SSS aprubado sa komite
Inaprubahan ng House Committee on Government Enterprises and Privatization ang mga panukala na naglalayong suspindihin ang pagtataas ng kabayaran sa kontribusyon ng Social Security System (SSS) ngayong 2021. Ito ang House Bills 8317, 8304, 8313, 8315, at 8422 na pag-iisahin sa isang binuong technical working group (TWG) sa natrurang pagdinig. Binigyang […]
-
4 wildlife traders nalambat ng Maritime Police sa entrapment operations
APAT na umano’y wildlife traders ang natimbog ng mga tauhan ng Maritime police sa magkakahiwalay na entrapment operations na may kaugnayan sa ‘All Hands Full Ahead’ sa iba’t-ibang lugar sa National Capital Region at Bulacan, Ayon kay Northern NCR Maritime Police Station chief PMAJ John Stephanie Gammad, dakong alas-11:56 ng umaga noong March […]