Subvariant ng Omicron, ‘di pa variant of concern
- Published on May 2, 2022
- by @peoplesbalita
HINDI pa dapat mangamba ang publiko sa nakapasok sa bansa na BA.2.12 subvariant ng Omicron variant ng COVID-19.
Sinabi ni Health Secretary Francisco Duque III na ang nasabing subvariant ay hindi pa tinukoy ng World Health Organization (WHO) bilang variant of interest o variant of concern.
Muli niyang hinikayat ang publiko na magpabakuna o magpa-booster na laban sa COVID-19 at huwag nang maghintay na magkaroon muli ng surge ng virus bago pumila sa mga bakunahan.
Giit ng kalihim, maiiwasan ang pagkakaroon ng surge kung magiging maingat ang mga mamamayan, patuloy na tatalima sa mga health protocols at kung magpapabakuna laban sa COVID-19 upang magkaroon sila ng proteksiyon laban sa virus.
Una nang kinumpirma ng DOH na naitala na nila ang unang kaso ng Omicron BA.2.12 sa Baguio City.
Ito’y isang 52-anyos na Finnish na dumating sa bansa noong Abril 2 mula sa Finland, at sinasabing nagkaroon ng 44 close contacts. (Daris Jose)
-
Ilang eksperto sa medisina, nagdadalawang isip sa pagbabalik operasyon ng mga sinehan
IMINUNGKAHI ng ilang medical expert na palakasin na lamang ang outdoor cinema sa halip na agad na ibalik ang indoor cinema o traditional cinema para makaiwas sa peligro at posibilidad na makapitan ng covid 19 virus. Nangangamba kasi ang mga ito sa inaasahang pagbabalik ng operasyon ng mga sinehan sa gitna ng pandemya. […]
-
SECURITY GUARD, 2 PA TIKLO SA P6.9M DROGA SA CALOOCAN
MAHIGIT P6 milyong halaga ng shabu ang nasamsam sa tatlong sa drug suspects, kabilang ang 35-anyos na security guard matapos maaresto ng pulisya sa magkahiwalay na buy bust operation sa Caloocan City. Kinilala ni Philippine National Police Drug Enforcemt Group (PNP-DEG) Chief P/Lt. Col. Richard Ian Ang ang naarestong suspek na si alyas “Sahibad” ng […]
-
Tokyo Olympics organizer papayagan lamang ang 10-K na audience
Hanggang 10,000 Japanese fans ang papayagang makapunta sa mga lugar kung saan gaganapin ang mga laro ng Tokyo 2020 Olympics. Ayon sa organizer na ito ang kanilang napagkasunduan matapos na unang pagbawalang manood ang mga nasa ibang bansa. Ilan sa mga panuntunan na ipapatupad sa mga personal na manonood ay ang […]