PDu30, nilagdaan ang mga batas na lumilikha sa LTO, LTFRB district offices
- Published on May 21, 2022
- by @peoplesbalita
TININTAHAN na ni Pangulong Rodrigo Roa Duterte ang 14 na batas na naglalayong magtatag ng district offices ng Land Transportation Office (LTO) at Land Transportation Franchising Regulatory Board (LTFRB) sa 13 lalawigan sa bansa.
Pinirmahan ni Pangulong Duterte ang Republic Acts (RA) 11737, 11738, 11739, 11740, 11741, 11742, 11743, 11744, 11745, 11746, 11747, 11748, 11749, at 11750 noong Abril 27 at ang kopya ng mga nasabing batas ay ipinalabas lamang ng Malakanyang, araw ng Huwebes.
Ang RA 11737 ay naglalayong lumikha ng regular LTO district office sa Alicia, Isabela, habang ang RA 11738 ay naglalayong magtatag ng LTO district office sa Manolo Fortich, Bukidnon.
Sa ilalim ng RA 11739, isang regular district office ng LTFRB ay lilikhain sa Bacoor, Cavite.
Itatatag naman ang LTO district office sa Balingasag, Misamis Oriental at Liloan, Cebu, ayon sa RAs 11740 at 11741.
Ang RA 11742 ay naglalayong i-convert ang LTO extension office sa Sigma, Capiz upang maging regular district office. Ang converted LTO office ay matatagpuan na ngayon sa Dumalag, Capiz.
Ang RA 11743 sa kabilang dako ay naglalayong lumikha ng regular LTO district office sa Alcoy, Cebu, habang ang RA 11744 ay naglalayong magtatag ng LTO office sa Laoang, Northern Samar.
Isa pang panibagong LTO district office ang itatatag sa bawat bayan ng San Jose, Dinagat Islands at Laoang sa pamamagitan ng RAs 11745 at 11746.
Sa ilalim ng RA 11747, ang extension office ng LTO sa Mabalacat City, Pampanga ay converted na sa regular LTO district office at pinangalanan bilang Mabalacat City LTO District Office.
Isa namang regular LTO district ang itatatag sa Ibajay, Aklan, na tatawaging Western Aklan LTO Center, ayon sa RA 11748.
Ang RAs 11749 at 11750 ay naglalayon ding lumikha ng district office sa bawat munisipalidad ng Enrique B. Magalona sa Negros Occidental province at munisipalidad ng Pagsanjan sa Laguna province.
Binibigyan naman ng mandato ng batas ang Kalihim ng Department of Transportation na isama sa programa ng departamento ang operationalization ng LTO at LTFRB district offices.
Ang pondo para sa operasyon ng LTO offices ay isasama sa annual General Appropriations Act. (Daris Jose)
-
Pondo ng PSC sa 2021 aprubado sa Senado
PASADO ang isinumiteng hinihinging badyet ng Philippine Sports Commission (PSC) para sa taong 2021 nang pagtibayin sa committee level ng Senado nitong Martes sa pamamagitan ng virtual hearing na pinangunahan ni Committee on Sports chairman, Sen. Christopher Lawrence Go, kasama sina Sens. Imee Marcos at Nancy Binay. Pinapurihan din ng mambabatas ang PSC at […]
-
Mega quarantine facilities para sa COVID-19 cases nasa ‘danger zone’ na – DOH
Nasa warning zone na rin daw ang estado ng bed capacity sa mga temporary treatment and monitoring facilities sa bansa, ayon sa Department of Health (DOH). Ayon kay Health Usec. Maria Rosario Vergeire, katumbas ito ng 30 hanggang 70-percent occupancy rate sa kama ng naturang mga pasilidad na hawak ng local government units. […]
-
Pabuya para maaresto ang pumaslang kay Percy Lapid pumalo na sa P6.5-M
PUMALO na sa P6.5 milyon ang nakalaang pabuya sa pag-aresto sa pumatay sa mamamahayag na si Percy Lapid. Inanunsiyo kasi ni House Speaker Martin Romualdez na nag-ambag ang mga kongresista at umabot ito ng P5 milyon. Magugunitang unang nagbigay ng P1-milyon na pabuya ang kaibigan ng pamilya habang mayroong P500,000 ang […]