Pagdami ng mga kaso ng COVID-19 sa NCR, hindi dahil sa eleksyon – OCTA
- Published on May 25, 2022
- by @peoplesbalita
NILINAW ng OCTA Research group na ang mas maraming transmissible Omicron subvariants COVID-19 ang dahilan ng bahagyang pagtaas ng mga kaso ng nasabing sakit sa Metro Manila.
Sa isang pahayag, binigyang-diin ni OCTA research fellow Dr. Guido David na hindi ito dahil sa mga aktibidad na inilunsad noong panahon ng eleksyon.
Aniya, bagamat kaliwa’t kanan ang mga campaign rallies at sorties na nilalahukan ng maraming tao noong kampanya ay wala raw silang nakitang anuman epekto nito o pagtaas man sa bilang ng mga kaso ng nasabing sakit.
Samantala, sa kabila naman ng pagdami ng mga kaso nito sa rehiyon ay ipinalagay naman ni David na hindi na ito lalagpas pa sa 10,000 ang bilang ng mga kaso nito sa rehiyon.
Patuloy pa rin naman ang kanyang panawagan sa publiko na magpabakuna na at booster shot bilang dagdag na proteksyon laban sa naturang sakit at gayundin ang patuloy na pagsunod sa mga ipinatutupad na health and safety protocols sa bansa. (Daris Jose)
-
Gilas Pilipinas tiniyak na ‘di padedehado sa Japan
NAKATUON na ngayon ang atensiyon ng Gilas Pilpinas sa laban nila sa Japan sa knockout playoffs ng 2022 FIBA Asia Cup. Bilang nasa Group D ang Gilas Pilipinas na mayroong isang panalo at dalawang talo ay makakaharap nila ang Japan na na nasa Group C na mayroong dalawang panalo at isang talo. […]
-
Mangrobang balik karera
INAASIKASO ngayon ni Triathlon Association of the Philippines (TRAP) president Tomas Carrasco Jr. ang mga badyet at papeles para sa Portugal training camp ni three-time Southeast Asian Games women’s triathlon gold medalist Marion Kim Mangrobang. Puntirya ng samahan na makahabol pa sa world qualifying races ang 29 na taon at taga-Laguna na triathlete […]
-
Department of Health , nakapagtala ng 593 na kaso ng chikungunya
NAKAPAG-ULAT ang Department of Health (DOH) ng halos 600 kaso ng chikungunya sa buong bansa. Ang pinakahuling Disease Surveillance Report ng DOH ay nagpakita na mayroong 593 kaso na naiulat mula Enero 1 hanggang Disyembre 3. Ang bilang ay 566 porsyento na mas mataas kaysa sa 89 na kaso ng chikungunya […]