Giyera sa semis simula na
- Published on November 19, 2020
- by @peoplesbalita
Mula sa 12 koponang pumasok sa PBA ‘bubble’ ay tanging ang Barangay Ginebra, Meralco, TNT Tropang Giga at Phoenix na lamang ang natira.
Didribol ang best-of-five semifinals series ng apat na koponan para sa hangaring makapasok sa Finals ng 2020 PBA Philippine Cup.
Lalabanan ng Gin Kings ang Bolts ngayong alas-6:30 ng gabi matapos ang banggaan ng Tropang Giga at Fuel Masters sa alas-3:45 ng hapon sa Game One ng kani-kanilang semis duel sa Angeles University Foundation Gym sa Angeles, Pampanga.
Dinomina ng Ginebra ang Meralco sa tatlong beses nilang upakan sa PBA Governor’s Cup Finals.
Tinalo ng Gin Kings ang Bolts, 105-91, sa elimination round noong Oktubre 18 na tinampukan ng 20 points ni 6-foot-8 wingman Japeth Aguilar.
“Japeth has been playing great basketball so luckily we have a guy that we can match up with him most of the time which will probably give us a better chance of winning games,” sabi ni Meralco head coach Norman Black sa kanilang 6’8 center na si Raymond Almazan.
Kumpiyansa naman si Phoenix mentor Topex Robinson sa kanilang tsansa laban sa TNT Tropang Giga ni coach Bong Ravena.
“We are always going to be the best version of ourselves and we are going to take our chances against Talk ‘N Text (TNT),” sabi ni Robinson sa kanyang Fuel Masters na yumukod sa Tropang Giga, 91-110, sa eliminasyon noong Oktubre 19.
Ito ang unang paghaharap nina Calvin Abueva ng Fuel Masters at Tropang Giga star guard Ray Ray Parks Jr. matapos ang insidente noong Mayo 21, 2019 na isa sa mga naging dahilan ng pagkakapataw ng PBA sa ‘The Beast’ ng indefinite suspension.
“Magandang match-up ito. Maraming nag-aabang niyan,” sabi ni Abueva, ang 2013 PBA Rookie of the Year, na nakabalik sa PBA matapos ang 16 buwan na suspensyon.
-
Bansang Vietnam, mahalagang partner ng Pilipinas pagdating sa rice imports at para masiguro ang food security – PBBM
NANGAKO ang Pangulong Ferdinand “Bongbong” Marcos na tuloy-tuloy ang pakikipag-ugnayan nito sa lider ng Vietnam na sinasabi niyang mahalang partner para masiguro ang food security sa bansa. Ito ang naging pahayag ng Pangulong Marcos sa bilateral meeting kasama ang Vietnamese Prime Minister na si Pham Minh Chinh sa sidelines ng 40th at 41st […]
-
Gold medalist Hidilyn Diaz-Naranjo malabo para sa Asian Games SEAG
MALABONG maipagtanggol ni 2020+1 Tokyo Olympics gold medalist Hidilyn Diaz-Naranjo ang kanyang mga titulo sa darating na 32nd Southeast Asian Games sa Phnom Penh, Cambodia, maging sa pagsabak sa 19th Asian Games sa Hangzhou, China ngayong taon dulot ng mga nakatakdang lahukang kwalipikasyon para sa 2024 Paris Olympics. Isiniwalat ni head coach Julius Naranjo […]
-
Ads March 19, 2024