Manny Pacquiao hindi makakalaban sa Amerika?
- Published on June 15, 2022
- by @peoplesbalita
KUNG magdedesisyon si eight-division world champion Manny Pacquiao na bumalik sa boxing, posibleng mahirapan itong ganapin ang kanyang comeback fight sa Amerika.
Ito ay dahil sa kasalukuyang kaso na kinakaharap nito laban sa Paradigm Sports Management (PSM) sa Superior Court of California.
Nais ni Paradigm chief Audie Attar na bayaran ni Pacquiao ang damages nito sa ‘breach of contract’ kabilang na ang umano’y $3.3 milyong cash advance na ibinigay ng kumpanya sa Pinoy champion.
Matatandaang ipinaglaban ng PSM ang karapatan nito sa management ng laban ni Pacquiao.
Subalit bigo ang PSM na pigilan ang laban sana nina Pacquiao at Errol Spence Jr.
Hindi natuloy ang laban nina Pacquiao at Spence matapos magtamo ng injury ang huli. Naging kapalit ni Spence si Yordenis Ugas sa laban.
Natuloy ang Pacquiao-Ugas fight na napagwagian ng huli.
Matapos nito, nagpasya si Pacquiao na magretiro na upang pagtuunan ng pansin ang kanyang political career kung saan tumakbo itong pangulo sa katatapos na national elections.
Natalo si Pacquiao sa eleksiyon na napanalunan ni President-elect Bongbong Marcos.
Wala pang pormal na anunsiyo si Pacquiao kung babalik ito sa boxing.
Subalit usap-usapan na posibleng muling sumalang si Pacquiao sa laban ngunit isang exhibition match lamang ito.
-
Kalahati ng 11 milyong plate backlog tatapusin ng LTO sa loob ng 6 buwan
TARGET ng Land Transportation Office (LTO) na tapusin ang kalahati ng 11 milyong plate backlogs sa loob ng anim na buwan. Ayon kay LTO Assistant Secretary Teofilo Guadiz III kabilang sa 11 milyong backlog ang mga plaka na dapat sana’y natapos na mula 2016. “Ang timeline ko rito mga six months […]
-
KIM, walang regrets na magkontrabida dahil natikman na ring maging bida
BIGLANG nagkaroon ng reunion ang Hashtag members sa naging bachelor’s party ni Nikko Natividad. Ikakasal na kasi si Nikko sa fiancee niyang si Cielo Eusebio at naging daan ang kanyang stag party para muli niyang makasama sina Kid Yambao, Tom Doromal, Wilbert Ross, Jimboy Martin, Vitto Marquez at Zeus Collins. Dahil bawal pa […]
-
Humanga dahil mahuhusay umarte at napaka-professional: MIGUEL at YSABEL, sobrang kinakiligan ng former beauty queen na si JOYCE ANN
DALAWANG world-class Filipino performers ang kasama sa 30th anniversary special ng Disney’s Beauty and the Beast na eere sa December 15 on ABC and will be available for streaming on Disney+ the following day. Sina Grammy and Oscar winner H.E.R. at ang original Miss Saigon cast member na si Jon Jon Briones ang gaganap […]